ហេតុតែជាគូ! ម្នាក់អត់ចេះអង់គ្លេស ម្នាក់ទៀតអត់ចេះខ្មែរ តែបែរជាអាចភ្ជាប់ចំណងស្នេហ៍រហូតបានក្លាយជាគូដណ្តឹងនឹងគ្នា!
ភ្នំពេញ៖ ពាក្យចាស់លោកពោលថា គូព្រេងមិនព្រាត់ ទោះនៅឆ្ងាយគ្នាយ៉ាងណា បើដល់ពេលវេលាដែលត្រូវបានជួបគ្នាគង់តែជួបគ្នានោះទេ។
ជាក់ស្តែងគូស្នេហ៍ខុសជាតិ ខុសភាសាមួយគូបាននឹងកំពុងតែធ្វើឱ្យអ្នកលេងបណ្តាញសង្គមមានការចាប់អារម្មណ៍ចំពោះប្រវត្តិស្នេហារបស់អ្នកទាំង២ ទាំងដែលស្ថិតនៅប្រទេសខុសគ្នា និយាយ២ភាសាផ្សេងគ្នា តែបែរជាអាចភ្ជាប់និស្ស័យស្នេហាបានយ៉ាងគួរឱ្យភ្ញាក់ផ្អើល។
តាមរយៈគណនីហ្វេសប៊ុកឈ្មោះ ហុង ស្រីពេជ្រ បានសរសេររៀបរាប់ពីរឿងរ៉ាវស្នេហារបស់ខ្លួនយ៉ាងក្បោះក្បាយថា៖ « #Friend_request 🤔 Add មកភ្លាម ខ្ញុំ accept ភ្លេត 🤣 រួចឆាតមកផ្លុក ឆាតគ្មានយល់គ្នាទេ ម្នាក់អត់ចេះEnglish ម្នាក់ទៀតអត់ចេះអានខ្មែរ 😹តែគាត់ព្យាយាមណាស់ខលមកនិយាយចេះខ្មែរបានល្មមតែយើងតឹងទ្រូងស្ដាប់យល់ 😂ខ្ញុំឆ្ងល់ណាស់រាប់អានមិចទេ បើនៅឆ្ងាយចឹងហើយឆាតមកញឹកម៉េស😒 បាន២សប្ដាហ៍សុំខ្ញុំធ្វើជាមិត្ដស្រីរបស់គាត់ 😰 ហើយគាត់ថាចាំសិក្សាពីគ្នា 😦 I say nooooo 😹រាប់អានគ្នាធម្មតាៗសិន ចាំយូរតិចទៀត🤪 គាត់ថាអោយគាត់ចាំ មួយខែ មួយឆ្នាំ ដប់ឆ្នាំ ??? I don’t know 🙂 ព្រោះតែមិនធ្លាប់គិតថាចង់ចេញពីប្រទេសនេះទេ
រំលងបានមួយអាទិត្យដល់ថ្ងៃ១៤កុម្ភះ គាត់ឆ្មក់ឱកាសនេះសុំចិត្ដម្ដងទៀត 😅មកតែផ្កា💐ហើយតុក្ដតា🐻ទេ ជួនជាយើងគ្មានអ្នកណាដែរ មើលគ្នាលេងទៅឆ្ងាយគ្នាណាស់បែបមិនឈឺចាប់ទេព្រោះមិនធ្លាប់ជួបផង 😆គេសប្បាយចិត្ត ហើយសន្យារៀបរាប់មកអស់ហើយ 😅និយាយចប់សុំមួយរឿងទៀត 😧 ខែក្រោយងៃណាទំនេរ ប្រាប់ផងចង់អោយប៉ាទៅជួបស្គាល់ចាស់ចាស់គ្នាគាត់អោយហើយ 🙀 ខ្ញុំគ្រាន់តែលឺហើយភ័យចង់រត់ចោលផ្ទះ
ថ្ងៃនឹងក៏មកដល់ ចាស់ចាស់ជួបគ្នាហើយ នៅ ឡើយកូនកូន♥️ គាត់ថាបងចងជើងអូនជាប់ហើយ ខ្លាចអូនឯងនៅចរឹកក្មេងគិតអីលេងសើច 😬ថ្ងៃ15.06.2019 បងទៅស្រុកខ្មែរ 🥰ជួបមុខផ្ទាល់បានកន្លះថ្ងៃ ភ្លឺឡើងមានគូរដណ្ដឹងបាត់ 😘my engagement 16.06.2019 #just150days 💋love you T. Nthonie Sok អានតែអង់គ្លេសពីរបីមាត់នឹងបានហើយម៉ាយបេះដូង ♥️ »។
រឿងរ៉ាវរបស់អ្នកទាំងពីរបានធ្វើឱ្យអ្នកលេងបណ្តាញសង្គមភ្ញាក់ផ្អើល មិននឹកស្មានថាហេតុតែជាគូទោះនៅឆ្ងាយរាប់ម៉ឺនយោជន៍ ឬភាសាខុសគ្នាក្តីគង់តែជួបគ្នា ហើយក៏មានអ្នកលេងបណ្តាញសង្គមហ្វេសប៊ុកជាច្រើនបានជូនពរឱ្យអ្នកទាំង២ជួបតែសុខសុភមង្គលជារៀងរហូតតទៅផងដែរ៕
ព័ត៌មានថ្មីៗ
