ភ្នំពេញ៖ ជារឿងគួរឱ្យរំភើប និងមានមោទកភាពបំផុត ដោយកូនខ្មែរម្នាក់ទៀតហើយទទួលបានអាហាររូបករណ៍ទៅសិក្សាជំនាញច្នៃម៉ូតសំលៀកបំពាក់នៅទឹកដីសហរដ្ឋអាមេរិចដល់ទៅ៣ឆ្នាំ។
តាមប្រភពពីគណនីហ្វេសប៊ុកផេកផ្លូវការ សាលាមធ្យមវិចិត្រសិល្បៈ - Secondary School of Fine Arts បានសរសេររៀបរាប់ឱ្យដឹងថា៖« អបអរសាទរ លោក វង្ស វណ្ណៈ ជាគ្រូបង្រៀនផ្នែកសៀក នៃសាលាមធ្យមវិចិត្រសិល្បៈ បានទទួលអាហាររូបករណ៍ទៅសិក្សាថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យ OHIO សហរដ្ឋអាមេរិក ជំនាញឆ្នៃម៉ូតសម្លៀកបំពាក់ក្នុងវិស័យសិល្បៈ រយៈពេល៣ឆ្នាំ»។
គួរឱ្យដឹងផងដែរថា នេះមិនមែនជាលើកទី១ទេ ដែលកូនខ្មែរបានទទួលអាហរូបការណ៍ប្រកបដោយមោទភាពនៅប្រទេសល្បីៗលើពិភពលោក ព្រោះកន្លងមកមានកូនខ្មែរជាច្រើនរូបហើយដែលត្រូវបានគេផ្តល់ឱកាសសិក្សាប្រទេសធំៗទាំងនោះ ទាំងការសិក្សាក្រេបយកចំណេះដឹងសាកល និងចំណេះជំនាញខាងសិល្បៈជាដើម៕