អុញនោះ! ផ្អើលការរិះគន់ច្រើនពេក ព្រះសង្ឃកក្កដា សុភ័ណ្ឌ ប្រកាសលាចាកសិក្ខាបទស្អែកនេះហើយ!
ភ្នំពេញ៖ ព្រះតេជគុណ កក្កដា សុភ័ណ្ឌ ដែលគេឧស្សាហ៍ឃើញព្រះភក្ត្រក្នុងការងារសង្គមជាច្រើនដូចជា ជួយអ្នកជំងឺធ្ងន់ៗ ចុះចែកអំណោយដល់អ្នកក្រក្សត់ និងការងារសង្គមជាច្រើនទៀត បានប្រកាសលាចាកសិក្ខាបទនៅថ្ងៃស្អែកនេះហើយ នេះបើតាមគណនី Facebook ផ្លូវការ និង Facebook Page របស់ព្រះតេជគុណ កក្កដា សុភ័ណ្ឌ។
ក្រោយការបង្ហាញរូបថតពីរសន្លឹកពីការសម្ដែងរឿងខ្លីមក ព្រះតេជគុណកក្កដា សុភ័ណ្ឌ ហាក់ទទួលបានមតិរិះគន់ច្រើនជាងសសើរ ខណៈដែលមតិភាគច្រើនលើកឡើងថា ជាបុព្វជិតមិនគួរណា បង្ហាញមុខក្នុងវីដេអូបែបនេះឡើយ ទោះបីជាវីដេអូនេះជាវីដេអូបែបអប់រំក៏ដោយ តែរូបភាពដែលបែកធ្លាយមកនេះ វាហាក់ប៉ះពាល់អារម្មណ៍អ្នកនិយមលេងហ្វេសបុកជាច្រើន។
កាលពីវេលាម៉ោងប្រហែល ៩យប់ គណនីហ្វេសបុក និងទំព័ររបស់ព្រះសង្ឃ កក្កដា សុភ័ណ្ឌ បានធ្វើការ Post នៅសារខ្លីមួយដែលហាក់ចង់បង្ហាញថា ថ្ងៃស្អែកនេះ ព្រះតេជគុណនឹងលាចាកសិក្ខាបទ ដោយសារព្រះតេជគុណព្រមទទួលនូវកំហូសដែលកើតឡើង ហើយសង្ឃឹមថានឹងមានការគាំទ្រ ពីអ្នកគាំទ្ររបស់ព្រះតេជគុណផងដែរ៕
Recent News
