ភ្នំពេញ៖ ថ្មីៗនេះលោក ទ្រី សក្កដា ឬ Ah Da Sakada បានបង្ហាញអារម្មណ៍អស់សង្ឃឹម ក្រោយពី Channel YouTube របស់លោកដែលទើបតែបង្កើតថ្មីឈ្មោះ SAKADA MUSIC ត្រូវបានបាត់ជាលើកទី២ ព្រោះតែមានជនអគតិមួយចំនួនដែលយកចម្រៀងលោកទៅបង្ហោះហើយ បែរជាមករីផត Channel YouTube របស់លោកជាលើកទី២ ធ្វើឲ្យលោកមានការខឹងសម្បារនិងសោកស្តាយជាខ្លាំង។
តារាចម្រៀង និងអ្នកនិពន្ធចម្រៀង Original Songរូបនេះក៏បានឱ្យដឹងថា Channel YouTube ចាស់របស់លោកដែលមានអ្នក Subsrubed 179k ក៏ធ្លាប់ត្រូវបានគេរីផត ដែរ ដូច្នេះលោកក៏បានបង្កើត Channel ថ្មី ហើយខិតខំថត MV បទ បើបងបាត់ការចងចាំ យកទៅបង្ហោះក្នុង Channel YouTube ថ្មីតែត្រូវបានគេរីផតម្តងទៀតរហូតដល់ក្រុមហ៊ុន Youtube បិទចោលតែម្តង។
ដោយលោកសក្កដាបានបង្ហោះសារលើគណនីហ្វេសប៊ុកផ្ទាល់ខ្លួន Ah Da Sakada មានអត្ថន័យថា ៖ « អ្នកឈ្នះខ្ញុំហេីយ អ្នកក្លាយជាម្ចាស់កម្មសិទ្ធបញ្ញាលេីបទនេះហេីយ អ្នកអាចទាញខ្ញុំធ្វេីជាទាសកររបស់អ្នកហេីយ ! Channel ចាស់ខ្ញុំ 179k Subscribers ខ្ញុំសុខចិត្តលុបចោល ខំចាប់ផ្តេីមអាថ្មីពីចំណុចសូន្យ។ ខ្ញុំពិតជាហត់នឿយ ហត់ខ្លាំង ហត់ដល់ថ្នាក់មិនដឹងនិយាយយ៉ាងម៉េចឱ្យសម ! កម្លាំងញេីសឈាមខ្ញុំ ជិះទៅថត កាត់ព្រៃ កាត់សមុទ្រ អត់បាតអត់ទឹក អត់បានដេកអត់បានពួន តែចុងក្រោយអ្នកទាំងនេះបានបំផ្លាញ Channel YouTube ខ្ញុំជាលេីកទីពីរ ! ព្រឹកមិញ ខ្ញុំចង់ស្រក់ឈាម ! លួចទៀតទៅ លួចឱយឆ្អែតទៅ បន្តិចទៀតអ្នកលែងបានលួចហេីយ ពេលរលាយខ្ញុំបាត់ពី YouTube នេះ »។
ក្រោយពីបានឃើញសាររៀបរាប់ទាំងអស់សង្ឃឹមមួយនេះ បានធ្វើឱ្យអ្នកគាំទ្រមានការអាណិតអាសូរដល់លោកសក្កដាជាខ្លាំងមិននឹកស្មានថាខំធ្វើអត់បាយអត់ទឹកបែរជាជួបរឿងបែបនេះ ថែមទាំងមានការខឹងសម្បារជាខ្លាំងចំពោះបុគ្គលមួយចំនួនដែលធ្វើរឿងគួរឱ្យស្អប់ខ្ពើមបែបនេះផងដែរ៕