ទឹកចិត្តល្អកម្ររកបាន! ខំឆាតមកថារើសទូរស័ព្ទបាន ទាំងមិនដែលស្គាល់គ្នា និងមិនមែនជាមិត្តហ្វេសប៊ុកទាល់តែសោះ!
ភ្នំពេញ៖ ជារឿងមួយដ៏គួរឱ្យភ្ញាក់ផ្អើល និងកោតសរសើរជាខ្លាំងដោយមិននឹកស្មានដល់ ថានៅក្នុងសង្គមនេះពិតជាមនុស្សល្អៗស្មោះត្រង់ច្រើន តាមរយៈអំពើល្អរបស់បងប្រុសម្នាក់ពេលរើសបានទូរស័ព្ទដែមួយគ្រឿង បែរជាខិតខំស្វែងរកទិន្នន័យទាក់ទងមកម្ចាស់វិញទាល់តែបាន។
រឿងហេតុបានកើតឡើងនៅពេលដែលម្ចាស់គណនីហ្វេសប៊ុកម្នាក់មានឈ្មោះ Keo Meng ពេលដែលបានទៅលេងផ្សារទំនើបអេអន ២ បានជ្រុះធ្លាក់ទូរស័ព្ទដោយមិនដឹងខ្លួនសោះ តែពេលមកដល់ផ្ទះ ស្រាប់តែ លោតឆាតហ្វេសប៊ុកជាមួយគណនីដែលមិនស្គាល់ និងមានមែនស្ថិតនៅក្នុង Friendlist ម្នាក់បានផ្ញើសារមក ថាខ្លួនរើសបានទូរស័ព្ទទៅវិញ ដែលរឿងហេតុមួយនេះបានធ្វើឱ្យម្ចាស់ទូរស័ព្ទស្រឡាំងកាំងផង រំភើបផង មិននឹកស្មានដល់ផងថា មានអ្នករើសទូរស័ព្ទខ្លួនបាន បែរជារកហ្វេសប៊ុករបស់ខ្លួនឃើញបែបនេះសោះ។
តាមរយៈគណនីម្ចាស់ហ្វេសប៊ុកដែលជួបរឿងដ៏រំជើបរំជួល មិននឹកស្មានដល់មួយនេះបានសរសេរររៀបរាប់លើគណនីផ្ទាល់ខ្លួនឈ្មោះ Keo Keng ថា៖
«ជ្រុះបាត់ទូរស័ព្ទពីកាបូបតាំងពីពេលណាក៏អត់ដឹង ស្រាប់តែឃេីញបងប្រុសម្នាក់ឈ្មោះ Khemo SK ឆាតមកទាំងយេីងមិនដែលស្គាល់គាត់ ហេីយក៏អត់មាន fri ជាមួយគ្នាក្នុង fb ដែរ គាត់ថាគាត់រេីសបានទូរស័ព្ទខ្ញុំ គ្រាន់តែឃេីញភ្ញាក់ព្រឺត អ្វីដែលគួរអោយសរសេីរគឺថាក្នុងទូរស័ព្ទនោះអត់មានស្អីទាំងអស់ ទុកគ្រាន់សំរាប់ប្រេីការងារមួយមុខគត់ គ្មានស៉ីម គ្មានកម្មវិធី fb អីទាំងអស់ តែមានរូបថត ហេីយគាត់ព្យាយាមរកឈ្មោះខ្ញុំតាមរយះ Account youtube ដែលខ្ញុំ sign in ហេីយក៏មក search តាម facebook រក profile ខ្ញុំហេីយឆាតប្រាប់, អរគុណបងប្រុសខ្លាំងមែនទែន មនុស្សល្អបែបនេះគឺមិនងាយរកទេ ជូនពរអោយបងប្រុសសំណាងល្អ ជួបតែរឿងល្អៗក្នុងជីវិត 👍ចាប់អារម្មណ៏ថាតាំងពីចូលឆ្នាំថ្មីនេះ បានស្គាល់មនុស្សល្អៗចូលក្នុងជីវិតច្រេីន ❤️លេីកមុន Xs Max ម្ដង ក៏បានគេរេីសទុកអោយ កាបូបលុយនៅរោងកុនម្ដង ក៏បានគេរេីសទុកអោយ សង្ឃឹមថាអំពេីល្អទាំងនេះនឹងឋិតថេររហូត »។
ក្រោយពីបានដឹងរឿងរ៉ាវមួយនេះហើយ អ្នកលេងបណ្តាញសង្គមជាច្រើន បានលាន់មាត់សរសើរថា បងប្រុសដែលរើសទូរស័ព្ទបាន ពិតជាមនុស្សល្អកម្ររកបានមែន ពោលគឺមិនចង់បានរប់សអ្នកដទៃឡើយ ថែមទាំងមានទឹកចិត្តស្វែងរកម្ចាស់ទូរស័ព្ទពិតប្រាកដយ៉ាងលំបាកគួរឱ្យសរសើរពិតមែន ដោយអ្នកលេងបណ្តាញសង្គមជាច្រើនសុទ្ធតែបានគាំទ្រ និងលើកទឹកចិត្តចំពោះអំពើល្អក្នុងសង្គមបែបនេះ៕
ព័ត៌មានថ្មីៗ
