ភ្នំពេញ៖ គ្រប់គ្នាប្រាកដជាបានស្គាល់រួចមកហើយថា Dj NaNa គឺជាពិធីករ និងអ្នកសម្របសម្រួលកម្មវិធីកម្សាន្ត និងអប់រំភាគច្រើនដែលសម្បូរវោហោស័ព្ទ ហើយរាល់វីដេអូអប់រំដែល DJ NaNa បានធ្វើសុទ្ធតែទទួលបានគាំទ្រក្នុងការជួយលើកទឹកចិត្តជីវិតមនុស្សព្វថ្ងៃ និងជួយដោះស្រាយបញ្ហាស្នេហានានាផងដែរ។
មិនត្រឹមតែជោគជ័យនៅក្នុងអាជីពការងារ Dj NaNa ក៏បានរៀបការជាមួយគូស្នេហាដែលបានមើលចិត្តគ្នាអស់ជាច្រើនឆ្នាំទៀតផង ដោយនៅក្នុងនោះជីវិតស្នេហារបស់ DJ NaNa ពិតជាមានសុភមង្គលខ្លាំងមែនទែន ពោលគឺទទួលបានបុរសជាស្វាមីជាមនុស្សប្រុសដែលពូកែអត់ធន់ និងមិនដែលចង់ចាញ់ឈ្នះប្រពន្ធទៀតផង។
តាមរយៈគណនីហ្វេសប៊ុកផេកជាផ្លូវការរបស់ Dj NaNa បានសរសេររៀបរាប់ថា៖ « ភាគច្រើនគេនិយាយថាបុរសម្នាក់នេះសំណាងណាស់បានឌីជេណាណាធ្វើប្រពន្ធ។ តាមពិតឌីជេណាណាទេជាអ្នកសំណាងបានបុរសម្នាក់នេះជាស្វាមី។ លោកប្តីខ្ញុំជាមនុស្សប្រុសដែលមិនចេះចង់ឈ្នះ គាត់សុំទោសរាល់ពេលដែលខ្ញុំខឹង ទោះគាត់ខុសឬមិនខុសក៏ដោយ គាត់មិនដែលខ្លាចប្រពន្ធគាត់ល្បី មិនធ្លាប់អន់ចិត្តទោះប្រពន្ធគាត់ធ្វើការជាមួយបុរសណាផ្សេងក៏ដោយ មិនធ្លាប់រារាំងការសម្រេចចិត្តរបស់ខ្ញុំ ហើយក៏មិនធ្លាប់ដាក់សម្ពាធទោះខ្ញុំធ្វើរឿងដែលគាត់មិនចូលចិត្ត។ អរគុណណាស់លោកប្តី។
(បង្ហោះរូបលោកប្តីមួយ ជាការលួងចិត្តដែលត្រូវទៅអាមេរិកចោលគាត់ទៀតហើយ ហេហេហេ) ។ ឌីជេណាណាឆ្លាតអញ្ចឹង។ »។
គួរឱ្យដឹងផងដែរថា DJ NaNa បានចូលរោងជ័យរៀបអាពាហ៍ពិពាហ៍ជាផ្លូវការ កាលពីថ្ងៃទី ២៤ ខែមករា ឆ្នាំ ២០១៩ កន្លងទៅនោះ ដោយមានភ្ញៀវចូលរួមយ៉ាងអធិកអធមផងដែរ៕