ថៃ៖ សព្វថ្ងៃនេះ សត្វចិញ្ចឹមដូចជាឆ្កែ និងឆ្មារពូជបរទេសត្រូវបាននិយមទិញមកចិញ្ចឹម ជាពិសេសដែលមានជីវភាពធូរធារ ព្រោះតែពូជសត្វបរទេសទាំងនោះមានតម្លៃថ្លៃខ្លាំងណាស់ ឯការចិញ្ចឹម ការរស់នៅ និងឱ្យចំណីក៏មិនជាងាយស្រួលដែរ។
តែដោយសារតែមានចិត្តស្រលាញ់ ចាត់ទុកស្ទើរស្មើសមាជិកគ្រួសារ មានមនុស្សមិនតិចអ្នកទេសុខចិត្តចំណាយលុយជាច្រើននៅក្នុងការថែរក្សាសត្វចិញ្ចឹមរបស់ខ្លួនរហូតសត្វខ្លះមានសំណាងបានដេកពូក និងម៉ាស៊ីនត្រជាក់ជាងមនុស្សធម្មតាមួយចំនួនទៀតផង។
ជាក់ស្តែងថ្មីៗនេះផងដែរ នៅក្នុងប្រទេសថៃមានរឿងគួរឱ្យភ្ញាក់ផ្អើលមួយ ដោយម្ចាស់សត្វសុនខ (ឆ្កែ) មួយរូបមានចិត្តស្រលាញ់សត្វចិញ្ចឹមខ្លួនពេក ដល់ថ្នាក់សុខចិត្តសាងសង់ផ្ទះឱ្យសត្វខ្លួនរស់នៅផងដែរ ដែលមើលតែស្ថានភាពផ្ទះដូចជាផ្ទះវីឡារបស់មនុស្សរស់នៅអ៊ីចឹង គ្រាន់តែវាមានរូបរាងតូចបន្តិចប៉ុណ្ណោះ។
នៅក្នុងផ្ទះវីឡាតូចមានការរចនាតុបតែងដេគ័រស្រស់ស្អាតមិនខុសពីផ្ទះមនុស្សរស់នៅទេ ដោយផ្ទះនេះមានកន្លែងអង្គុយលេង ពូក គ្រែសម្រាប់ម្ចាស់គេងលេងជាមួយសត្វចិញ្ចឹមរបស់ខ្លួនទៀតផង។
គួរឱ្យដឹងផងដែរថា ផ្ទះសត្វសុនខអភិជនមួយនេះស្ថិតនៅក្នុងខេត្ត Nakhon Sawan ប្រទេសថៃ ដោយការស្ថាបនាដោយក្រុមហ៊ុនសាងសង់មួយដ៏ល្បីនៅក្នុងប្រទេសថៃទៀតផង៕
រក្សាសិទ្ធអត្ថបទ៖ Kalib9