កំហុសមួយភាគដែលសិស្សវិទ្យាល័យមួយចំនួនបរាជ័យក្នុងថ្ងៃប្រឡងបាក់ឌុបដោយអចេតនា
និយាយចំពោះសិស្សវិទ្យាល័យ ដែលជាពិសេសត្រូវត្រៀមខ្លួនប្រលងមធ្យមសិក្សាទុតិយភូមិដើម្បីទទួលយកជ័យជម្នះទីមួយក្នុងការសិក្សានោះគឺ ប្រលងជាប់បាក់ឌុប។ មិនថាជាសិស្សផ្នែកវិទ្យាសាស្រ្តពិត ឬវិទ្យាសាស្រ្តសង្គមទេ គ្រប់គ្នាសុទ្ធតែប្រាថ្នាចង់បានជោគជ័យមួយនេះ។ យ៉ាងណាមិញបើយើងសង្កេតមកមើលការប្រឹងប្រែង និងការតាំងចិត្តរបស់ពួកគាត់វិញ មានខ្លះពុំសូវមានប្រសិទ្ធភាពទេដោយសារភាពមិនចាប់អារម្មណ៍រួមជាមួយការអូសបន្លាយពេលវេលា ជាហេតុធ្វើឲ្យសិស្សានុសិស្សមួយចំនួនបានសាងកំហុសដោយមិនដឹងខ្លួន ហើយអ្វីដែលបន្សល់ទុកនោះគឺភាពសោកស្តាយក្នុងពេលប្រលងបាក់ឌុប។
Source: straitstimes.com
កំហុសទាំងនោះមានដូចជា៖
- អូសបន្លាយពេលវេលា៖ យល់ថាដើមឆ្នាំរៀនលេងៗ មិនសូវខំ ចាំបន្តិចទៀតចាំខំរៀន។
- ដើរលេងច្រើន៖ ចូលចិត្តយកពេលវេលាសិក្សាទៅធ្វើអ្វីដែលសប្បាយៗ មានជួបជុំគ្នា ដើរផ្សារឬដើរកម្សាន្ត។
- បង្កើតទម្លាប់ខ្ជិល៖ ភាពពុំសូវខ្វាយខ្វល់ គឺទៅរៀន១ថ្ងៃ ខាន១ថ្ងៃ យូរៗទៅក្លាយជាទម្លាប់ពិបាកកែ។
- ខ្វះការតាំងចិត្ត៖ ចំណាយពេលអត់ប្រយោជន៍ច្រើនពេក រសាយការតាំងចិត្ត ចាប់អារម្មណ៍តែការសប្បាយចំពោះមុខច្រើនជាង។
- វក់នឹងទូរស័ព្ទពេក៖ បច្ចេកវិទ្យាទំនើប អ្វីៗក៏មានដែរ ភាពងាយស្រួលធ្វើឲ្យមានការប្រើប្រាស់ទូរស័ព្ទលើសកម្រិតគឺ យូរទៅអាចទៅជាវក់នឹងFacebook, Chat Game, YouTube ជាដើម។
- បាត់បង់ភាពខ្លាំង៖ ឧស្សាហ៍បង្កើតចំនុចអវិជ្ជមានច្រើនពេក នាំឲ្យមិនប្រាកដថាខ្លួនចេះអីខ្លះ កម្រិតនៃការសិក្សាចុះខ្សោយ។
Written by: Sreng Srey Nang
Edited by: Serpent
Cited by: happylearnnews.com
ព័ត៌មានថ្មីៗ
