រំភើប ហើយក្តុកក្តួលជំនួស! ទោះកូនប្រលងធ្លាក់ម្តាយឪពុក នៅតែលើកទឹកចិត្តកូនខ្លាំង ឃើញហើយចង់ស្រក់ទឹកភ្នែកតាម (មានវីដេអូ)
លទ្ធផលនៃការប្រលងបញ្ចប់ការសិក្សាទុតិយភូមិ ត្រូវបានប្រកាសរួចរាល់កាលពីថ្ងៃទី៩ ខែកញ្ញា (រាជធានីភ្នំពេញ និងខេត្តកណ្តាល) និង ថ្ងៃ ១០ ខែកញ្ញា ឆ្នាំ ២០១៩ (តាមបណ្តាខេត្ត) ដោយមានបេក្ខជនទទួលបានលទ្ធផលជាទិគាប់ចិត្តជាច្រើន ថែមទាំងមាននិទ្ទេសល្អផងដែរ។
តែនៅក្នុងនោះក៏មានបេក្ខជនជាច្រើនធ្វើមិនល្អ ហើយទទួលបានលទ្ធផលមិនប្រសើរផងដែរ ដែលធ្វើឱ្យបេក្ខជនជាច្រើនមានការបាក់ទឹកចិត្តខ្លាំង ថែមទាំងទទួលបានការស្តីបន្ទោសពីមនុស្សជុំវិញខ្លួនដូចជាមិត្តភក្តិ និងឪពុកម្តាយជាដើម ជាពិសេសអ្នកដែលប្រលងធ្លាក់។
តែរឿងមួយគួរឱ្យរំភើប និងក្តុកក្តួលជាខ្លាំងនោះ រូបភាព និងវីដេអូមួយបានធ្វើឱ្យគ្រប់គ្នាភ្ញាក់់ផ្អើល និងចង់ស្រក់ទឹកភ្នែកតាម ដោយឪពុកម្តាយបេក្ខជនមួយរូបពេលដែលកូនប្រលងធ្លាក់បែរជាមិនស្តីបន្ទោសកូន ថែមទាំងលើកទឹកចិត្តកូនទាំងពាក្យសម្តី និងទិញរបស់ល្អៗជារង្វាន់ឱ្យកូនចំពោះការប្រឹងប្រែងផងដែរ។
យោងតាមរយៈគណនីហ្វេសបុកដែលត្រូវជាឪពុករបស់បេក្ខជនមានឈ្មោះ So Rifin បានសរសេររៀបរាប់ថា៖ « នេះជាកាដូរសម្រាប់កូនប្រុស ដែលខិតខំប្រឹងប្រែងរៀនសូត្រអស់រយៈពេល12ឆ្នាំកន្លងមកនេះ បើទោះបីជាថ្ងៃនេះ កូនពុំទទួលបានលទ្ធិផលល្អយកមកអោយប៉ាម៉ាក់ក៏ដោយចុះ ប៉ុន្តែប៉ាម៉ាក់នៅតែមានមោទនភាពនិងនៅតែចាំផ្តល់កម្លាំងចិត្តអោយកូនព្រោះកូនបានបញ្ចេញអស់ពីសមត្ថភាពហើយ កុំចុះចាញ់ណាកូនសម្លាញ់ ប៉ាម៉ាក់នៅក្បែរកូនជានិច្ច ខំម្តងទៀតណាកូនប្រុស ប៉ាម៉ាក់ជឿជាក់លើសមត្ថភាពរបស់កូនថាកូននិងអាចធ្វើបានហើយអាចយកនិទ្ទេសល្អមកជូនប៉ាម៉ាក់
ប៉ាម៉ាក់សូមអរគុណដល់កូនប្រុសដែលតែងតែស្តាប់នូវដំបូន្មានរបស់ប៉ាម៉ាក់ហើយប៉ាម៉ាក់ក៏សូមជូនពរអោយកូនជួបតែសេចក្តីសុខនិងជួបតែភាពជោគជ័យនៅក្នុងជីវិត ប៉ាម៉ាក់សូមសន្យាថានិងបង្ហាញផ្លូវវិជ្ជមានដល់កូននាថ្ងៃអនាគត នឹងត្រូវធ្វើតែអំពើល្អដើម្បីជាគំរូដល់គ្រួសារនិងសង្គមជាតិ៕ Kariz Ma »។
នេះពិតជាទឹកចិត្តល្អប្រពៃរបស់ម្តាយឪពុកមែន ជាពិសេសកាន់តែសង្វេកគឹឃើញកូនប្រុសដែលប្រលងធ្លាក់បានយំ និងសុំទោសឪពុកម្តាយនូវភាពបរាជ័យក្នុងការប្រលងផងដែរ ដែលរូបភាព និងវីដេអូនេះពិតជាពេញដោយភាពកក់ក្តៅខ្លាំងណាស។
សូមទស្សនារូបភាព និងវីដេអូខាងក្រោម ៖
ព័ត៌មានថ្មីៗ
