ទង្វើគួរឱ្យសរសើរ! មិនឱ្យខ្ជះខ្ជាយអាហារដែលសល់ច្រើន ព្រះសង្ឃគង់នៅ វត្តពោធិវ័ន នាំយកចង្ហាន់ចែកជូនអ្នកជម្ងឺនៅពេទ្យគន្ធបុប្ផា!

ភ្នំពេញ៖ ​ជាការពិតណាស់ ​រាល់ពេលបុណ្យទានសំខាន់ៗម្តងៗដូចជាបុណ្យចូលឆ្នាំខ្មែរ ​និងបុណ្យភ្ជុំបិណ្ឌ ​ប្រជាជនខ្មែរប្រុសស្រីតែងតែនាំយកចង្ហាន់ទៅប្រគេនព្រះសង្ឃធ្វើបុណ្យនៅវត្ត ​ដើម្បីបញ្ជូនបុណ្យកុសល្យទៅញាតិការទាំង៧សណ្តានដែលបានចែកឋានទៅសឹងតែគ្រប់ៗគ្នា។

នៅក្នុងនោះដែរ ​ដោយសារតែចង្ហាន់ច្រើនបបូរហូរហៀរលើសលប់ពេក ​ជារៀងរាល់ឆ្នាំអាហារតែងតែសេសសល់ជូរផ្អូមមិនអាចទទួលទានបាន  ដូច្នេះហើយបានជានាពេលនេះ ព្រះអង្គគ្រូ សីលវង្សា ព្រហ្ម​ សុភី​ ដែលគង់នៅវត្តពោធិវ័ន បានដឹកនាំព្រះសង្ឃក្នុងវត្តចុះចែកអាហារជូនដល់អ្នកជម្ងឺនៅមន្ទីរពេទ្យគន្ធបុប្ផា ​ដែលទង្វើមួយនេះពិតជាទទួលបានការសរសើរមែនទែន ​ជាការធ្វើបុណ្យ ​និងធ្វើទានសម្រាប់អ្នកដែលអត់ឃ្លាន ​ឬខ្វះខាតផងដែរ។

យោងតាមប្រភពព្រះតេជគុណ នុន ណារ៉ុង បានរៀបរាប់ឲ្យដឹងថា៖ «វត្ត​ពោធិវ័ន សង្កាត់ស្នោរ ខណ្ឌកំបូល ក្រុងភ្នំពេញ! ក្រោមការដឹកនាំរបស់ព្រះអង្គគ្រូ សីលវង្សា ព្រហ្ម​ សុភី​ និង​ ខ្ញុំ​ព្រះករុណាអាត្មា នុន​ ណារ៉ុង បាននាំយកបាយម្ហូបទៅចែកជូនដល់អ្នកជម្ងឺញាតិញោមនៅពេទ្យគន្ធបុប្ផា» ៕

S2155

71398611_884686485263962_4652131029669117952_o

70975871_884687428597201_291109924090413056_o


70886805_884686745263936_9078401162444537856_o

70663480_884686581930619_5968712168600764416_o

70536272_884686825263928_6851874293538619392_o

70315516_884686925263918_4479325292552257536_o

70002031_884687601930517_6879353228010455040_o