ធុញទ្រាន់ខ្លាំង និងជាសំណួរដែលស្អប់បំផុត «ពេលណាយើងរៀបការ?» ទីបំផុតសម្រេចបំណងមនុស្សស្រីជាទីស្រលាញ់ ព្រោះតែការរង់ចាំដល់ទៅ ៨ឆ្នាំ
ស្នេហាពិតពេលខ្លះអ្នកអាចមើលចិត្តគ្នាត្រឹម ១ឆ្នាំ ទៅ ២ឆ្នាំមុននឹងសម្រេចចិត្តចូលរោងការ អ្នកខ្លះក៏ត្រូវមើលចិត្តគ្នារាប់ឆ្នាំក៏មាន តែការរង់ចាំរយៈពេលដ៏យូរមុនចូលរោងការពេលខ្លះមិនមែនព្រោះតែមិនទាន់មើលចិត្តគ្នាច្បាសនោះឡើយ វាអាចបណ្តាលពីបញ្ហាគ្រួសារ ការដែលមិនទាន់មានមុខរបរជាលំនឹង និងមានទាន់មានលទ្ធភាពគ្រប់គ្រាន់សម្រាប់កសាងអនាគតជាមួយមនុស្សជាទីស្រលាញ់។
ជាក់ស្តែងបុរសម្នាក់បានបង្ហើបរឿងផ្ទាល់ខ្លួនថា មនុស្សស្រីដែលខ្លួនស្រលាញ់ចេះតែសួរនាំរហូត ថាពេលណារៀបការ រហូតធ្វើឱ្យខ្លួនឯងធុញទ្រាន់ និងស្អប់បំផុតពេលលឺពាក្យរៀបការម្តងៗ ព្រោះតែខ្លួនឯងគ្មានសមត្ថភាព និងគ្មានអ្វីទាំងអស់ តែនារីនាទីស្រលាញ់នៅតែនៅជិតមិនទីណាស៊ូរង់ចាំដល់ទៅ ៧ ៨ឆ្នាំ ទម្រាំបុរសដែលខ្លួនស្រលាញ់ជោគជ័យ ហើយក៏បានសម្រេចបំនងគូស្នេហ៍ចូលរោងការដោយរីករាយ។
តាមរយៈគណនីហ្វេសប៊ុក ទ្រី ថេង បានសរសេររៀបរាប់ថា៖ «ពេលខ្លះធុញនឹងគាត់សួរបងពេលណាយេីងការ .....?វាជាសំនួរដែលខ្ញុំស្អប់បំផុត តែក៏អរគុណដែរគាត់រងចាំ៧ ៨ឆ្នាំនេះ ទាំងលុយកាក់តាំងពីគ្មានអ្វីសោះរហូតដល់យេីងមានគ្រប់យ៉ាង...... តែពេលនេះខ្ញុំសំរេចបំណងគាត់ហេីយ.........យាយត្រង់យេីងជាមនុស្សប្រុសបើអោយគាត់ចាំ គាត់អាចាំបាន ចុះបើយើងថ្ងៃណាមួយមិនច្បាស់លាស់ គាត់នឹងរំពឹងអ្វី..........?សុំសួរដល់មនុស្សប្រុសគ្រប់រូប »៕
ព័ត៌មានថ្មីៗ
