រកឯណាបានម៉ែក្មេកសម័យថ្មីឆ្នាំ ២០១៩ បែបនេះ? ដាក់មួយឃ្លាមកត្រូវចិត្តកូនប្រសាស្រីសម័យថ្មីនេះហ្មង!
ភ្នំពេញ៖ រឿងជីវិតគូវាមិនមែនជារឿងងាយស្រួលប៉ុន្មានទេ នៅក្នុងការរកមនុស្សត្រូវចិត្ត ជាក់ស្តែងទោះរកមនុស្សជាទិស្រលាញ់ត្រូវចិត្ត ក៏ត្រូវឆ្លងកាត់សមាជិកគ្រួសារជាពិសេសគឺម្តាយក្មេកឪពុកក្មេកតែម្តង ដែលសមាជិកទាំង២រូបនេះអាចនិយាយថាមិនជាងាយឆ្លងកាត់ដោយស្រួលនោះទេ ដូច្នេះហើយបានជាជីវិតគូភាគច្រើនតែងតែមានបញ្ហា ឬមានការមិនពេញចិត្តពីសំណាក់សាច់ថ្លៃតែម្តង។
ជាការពិតណាស់ អាចថាជារឿងមួយដ៏គួរឱ្យភ្ញាក់ផ្អើលមួយ ព្រោះថ្មីៗនេះមានអ្នកម្តាយក្មេកសម័យថ្មីមួយរូបបានពោលពាក្យមួយឃ្លា នូវការបើកចិត្តទូលាយមិនប្រកាន់ច្រើនចំពោះកូនប្រសារបស់ខ្លួនរហូតធ្វើឱ្យអ្នកលេងបណ្តាញសង្គមពេញចិត្តជាខ្លាំង ជាពិសេសគឺស្រីៗសម័យនេះតែម្តង រហូតនឹកស្រមៃថាអនាគតចង់បានម្តាយក្មេងចិត្តល្អបែបនេះ។
ដោយយោងតាមរយៈគណនីហ្វេសសប៊ុក Soun Sophea ដែលគេដាក់ឈ្មោះថាអ្នកម្តាយក្មេកចិត្តទូលាយសម័យថ្មីបានបង្ហោះរូបភាព និងសារមួយឃ្លាយ៉ាងមានន័យថា៖ « អាយុកាន់តែច្រើនកូនក៏កំលោះ ថែមទាំងមានកូនប្រសារទៀត😁ហើយថ្ងៃនេះជាថ្ងៃខួបកូនស្រីម៉ាក់សូមជូនពរកូនឲមានសំណាងល្អ រកសុីមានបាន មានសុភមង្គុលពេញមួយជីវិតណា❤😘
ហើយចង់ប្រាប់ថា ម៉ាំមីម្នាក់នេះអត់សូវចេះប្រកាន់ច្រើនទេ ចូលចិត្តកូនប្រសារស្រី រួសរាយ រហស័រហួន ចេះរកចំណូលដោយមិនចាំបាច់ពឹងលើប្តីទាំងស្រុង ពូកែរតុបតែងខ្លួនតែកុំសុិចសុីពេក ចេះផឹកសុីក៏អត់ប្រកាន់ អាចផឹកជាមួយម៉ែក្មេកបាន បើសិនកូនប្រុសម៉ាក់ធ្វើអោយកូនប្រសារសេត ចាំម៉ាំមីកំដរ🍻🤣Mummy 2019 🤣 »៕
Recent News
