មនុស្សភាគច្រើននឹងប្រាប់អ្នកថា ពួកគេមិនចូលចិត្តពេលល្ងាចថ្ងៃអាទិត្យនោះទេ។ Laura Vanderkam បានសរសេរនៅក្នុងសៀវភៅរបស់នាង "What The Most Successful People Do On The Weekend." ថា៖ «យេីងងាយនឹងមានអារម្មណ៍ដូចជា ការភ័យខ្លាច នៅថ្ងៃអាទិត្យ អំពីភាពតានតឹង ដែលកំពុងរង់ចាំអ្នកនៅព្រឹកថ្ងៃចន្ទ។»
ក្រុមអ្នកជំនាញបាននិយាយថា មានរឿងខ្លះៗដែលមនុស្សជោគជ័យ តែងតែធ្វេីនៅចុងសប្តាហ៍ ដើម្បីរៀបចំនៅយប់ថ្ងៃអាទិត្យ សម្រាប់សប្តាហ៍ខាងមុខ។
ខាងក្រោមនេះ គឺជារឿង៩យ៉ាងដែល មនុស្សជោគជ័យតែងតែធ្វេី នៅយប់ថ្ងៃអាទិត្យ៖
គំនិតនេះអាចជាព័ត៌មានដ៏សំខាន់បំផុត Vanderkam បានសរសេរថា « ចុងសប្តាហ៍អ្នកគួរផ្តោតទៅលើភាពសប្បាយរីករាយ ជាជាងការគិតអំពីព្រឹកថ្ងៃចន្ទ។ » លោកស្រី Vanderkam បានដកស្រង់សម្តីរបស់លោកស្រី Caitlin Andrews ដែលជាបណ្ណារក្ស បាននិយាយថា គ្រួសាររបស់នាង បានជួបជុំគ្នាសម្រាប់អាហារពេលល្ងាច ស្ទើរតែរៀងរាល់ថ្ងៃអាទិត្យ។ Andrews បាននិយាយថា៖ « វាត្រូវធ្វើឱ្យខ្ញុំមិនគិតច្រេីន នៅល្ងាចថ្ងៃអាទិត្យ។ »
អ្នកក៏អាចធ្វើរឿងខ្លះៗនៅល្ងាចថ្ងៃអាទិត្យដូចជា ការមេីលកុន ឬ ទៅស្ប៉ា ឬ ញុំអាហារជុំគ្រួសារ។
លោកស្រី Marsha Egan ជាគ្រូបង្វឹកអាជីពបាននិយាយថា៖ « មនុស្សជោគជ័យមួយចំនួន ចង់មើលប្រតិទិនរបស់ពួកគេ នៅយប់ថ្ងៃអាទិត្យ ហើយកំណត់គោលដៅ និង ពេលវេលាកំណត់ សម្រាប់សប្តាហ៍ខាងមុខនេះ។ » ល្បិចនេះ គឺដើម្បីធ្វើការនេះ ដោយមិនមានស្រ្តេស។
លោកស្រី Marsha Egan បានផ្ដល់យោបល់ថា៖ « យេីងគួរ ដើរ ឬ លេងវាយកូនបាល់ ឬ ទៅកន្លែងហាត់ប្រាណ។ »
លោកស្រី Vanderkam បានសរសេរនៅក្នុងសៀវភៅរបស់គាត់ថា៖ « វាជាវិធីដ៏ល្អ មួយសម្រាប់ខ្ញុំ ក្នុងការបែកញើស ដេីម្បីចេញជាតិពុល នៅក្នុងសប្តាហ៍ សម្រាប់ថ្ងៃចន្ទ។ »
នាយកប្រតិបត្តិ Joyce Marter បានបង្ហាញនៅក្នុងអត្ថបទមួយសម្រាប់ PsychCentral ថាការសេពសុរា គឺនឹងធ្វេីអោយយេីងថយកម្លាំង ដែលនឹងធ្វើអោយអ្នកមានអារម្មណ៍ថា មានថាមពលតិចនៅពេលព្រឹក។
គាត់បានសរសេរថា៖ « ផ្ទុយទៅវិញ ចូរបង្កើតអាហារដែលមានសុខភាពល្អ និង រីករាយជាមួយតែថ្នាំរុក្ខជាតិ ឬ ទឹកលាយជាមានក្រូចឆ្មា។ »
មនុស្សជោគជ័យតែងតែអាន រៀងរាល់យប់ មុនពេលចូលគេង ដូច្នេះការអានថ្ងៃអាទិត្យ គឺជាផ្នែកមួយនៃទម្លាប់របស់ពួកគេ។
ពួកគេក៏ប្រើប្រាស់ពេលយប់ថ្ងៃអាទិត្យផងដែរ ដើម្បីចាប់យកការអាន ដែលមនុស្សជាច្រេីន មិនយកចិត្តទុកដាក់ចំពោះម៉ោងនេះ។
ជារឿយៗយប់ថ្ងៃអាទិត្យ គឺជាពេលវេលា ដែលយេីងអាចផ្តោត ចំពោះការហៅទូរស័ព្ទទៅមិត្តភក្តិ ឬ ក្រុមគ្រួសារ និង ឆ្លើយតបទៅនឹងសារ ឬ អ៊ីម៉ែលផ្ទាល់ខ្លួន ដែលយើងមិនមានពេលវេលា ដើម្បីធ្វេីនៅថ្ងៃធ្វេីការ។
បន្ទាប់ពីអ្នកបញ្ចប់ ការឆ្លើយតបទៅនឹង អ៊ីមែល និង អត្ថបទ ឬ ការហៅទូរស័ព្ទត្រឡប់វិញ សូមបិទការទាក់ទងពីរបីម៉ោង។
អ្នកជំនាញអាជីពលោក Michael Kerr បាននិយាយថា៖ « មនុស្សជោគជ័យពិតប្រាកដធ្វើរឿងផ្សេងៗ លេីកលែងតែអំពីការងារ ក្នុងកំឡុងពេលពីរបីម៉ោង មុនពេលគេង ជាពិសេសនៅយប់ថ្ងៃអាទិត្យ។ » ពួកគេមិនត្រួតពិនិត្យអ៊ីម៉ែលរបស់ពួកគេទេ ហើយពួកគេព្យាយាម មិនរស់នៅជាមួយ បញ្ហាការងារនោះទេ។
លោកស្រី Vanderkam បានសរសេរនៅក្នុងសៀវភៅរបស់គាត់ថា៖ « វិធីដ៏អស្ចារ្យដើម្បីបញ្ចប់ចុងសប្តាហ៍ គឺដើម្បីការស្ម័គ្រចិត្ត។ » គាត់បាននិយាយថា គ្មានវិធីបំបាត់ស្រ្តេសណា ល្អជាងការជួយអ្នកដទៃ ដែលកំពុងត្រូវការជំនួយនោះទេ។ វាជាវិធីមួយផងដែរ ដើម្បីទំនាក់ទំនងជាមួយមនុស្ស មុនពេលដែលមនុស្សគ្រប់គ្នា នឹងត្រូវទៅបំពេញការងារ ក្នុងសប្តាហ៍ថ្មី។
លោកស្រី Kerr បាននិយាយថា៖ « មនុស្សជាច្រេីន មិនសូវមានកំលាំងទេនៅថ្ងៃច័ន្ទ ដេីម្បីធ្វេីការងារ ដោយសារតែគេងមិនបានគ្រប់គ្រាន់។ ដូច្នេះទម្លាប់មួយដែលខ្ញុំដឹង មនុស្សជោគជ័យជាច្រើន គឺធ្វើឱ្យវាជាអាទិភាព ដើម្បីទទួលបានការគេងឱ្យបានគ្រប់គ្រាន់ ព្រោះវាអាចជាបញ្ហាប្រឈមសម្រាប់ អ្នកធ្វើការ ឬ សហគ្រិន។ »
វិធីមួយដើម្បីធ្វើដូចនេះ គឺចូលគេងតាមម៉ោងកំណត់ជារៀងរាល់ថ្ងៃ នេះជាទម្លាប់សំខាន់ ដែលអ្នកជំនាញខាងផ្នែកដំណេកទាំងអស់បានណែនាំ ដេីម្បីជួយឱ្យមានការគេងបានល្អ។
នេះ គឺសំខាន់ខ្លាំងណាស់នៅថ្ងៃអាទិត្យ ប្រសិនបើអ្នកចង់ចាប់ផ្តើមសប្តាហ៍ធ្វើការ មានអារម្មណ៍ស្រស់ស្រាយ និង ត្រៀមខ្លួនជាស្រេច ដើម្បីសំរេចការងាររបស់អ្នក។
លោកស្រី Vanderkam បានបន្ថែមទៀតថា អ្នកអាចគ្រោងថាម៉ោងប៉ុន្មាន ដែលអ្នកត្រូវក្រោក ហើយរាប់ថយក្រោយ តេីរយះពេលប៉ុន្មានដែលអ្នកត្រូវការ ដេីម្បីការគេងហើយបន្ទាប់មក រំឭកខ្លួនអ្នកឱ្យត្រៀមខ្លួនសម្រាប់ចូលគេង។
គាត់បាននិយាយថា៖ « អ្វីដែលអាក្រក់បំផុតនោះ គឺអ្នកចូលគេងយឺត ហេីយដាក់ម៉ោងរោទ៍នៅពេលព្រឹក។ ឆន្ទៈរបស់មនុស្សមានដែនកំណត់។ ហេតុអ្វីត្រូវខ្ជះខ្ជាយឆន្ទៈទាំងនោះ ក្នុងការឈ្លោះប្រកែកជាមួយខ្លួនឯង ចំពោះពេលម៉ោងចូលគេង និង ម៉ោងក្រោកឡេីង? »