ស្អប់ជំពប់លើមែន! ស្អប់ណាស់ម្នាក់ហ្នឹងកាលរៀនផ្លោះតែបង្អួច មានអី១០ឆ្នាំក្រោយមាននិស្ស័យក្លាយជាគូដណ្តឹងស្របច្បាប់ចាំតែថ្ងៃរៀបការ
ភ្នំពេញ៖ អ្នកទាំងអស់គ្នាជឿលើនិស្ស័យដែរឬទេ? ពាក្យចាស់ថា បានស្គាល់គ្នា ជួបគ្នា រាប់អានគ្នា ឬរហូតស្រលាញគ្នាបានជាគូអនាគតគឺសុទ្ធតែជានិស្ស័យដែលបានចារពីជាតិមុន ។
ជាក់ស្តែងរឿងរ៉ាវស្នេហារបស់គូស្នេហ៍មួយគូបានធ្វើឱ្យគ្រប់គ្នារំភើប ហើយក៏ភ្ញាក់ផ្អើលថា នេះពិតជានិស្ស័យស្នេហ៍ប្រាកដមែន ព្រោះតែកាលពីមុនធ្លាប់ជាសិស្សរៀនថ្នាក់រួមគ្នា ខាងស្រីស្អប់ មិនចូលចិត្តខាងប្រុសទាល់តែសោះ តែមិននឹកស្មានថាបែកគ្នាជិត ១០ឆ្នាំបែរជាបានរាប់អានគ្នារហូតសាងជានិស្ស័យស្នេហ៍បានភ្ជាប់ពាក្យដឹងឮពីចាស់ទុំទៀតផង។
តាមរយៈគណនីហ្វេសប៊ុក Pheak Mayumi បានសរសេររៀបរាប់ពិប្រវត្តិស្នេហាយ៉ាងកម្អិតថា៖ «ជឿលើនិស្ស័យអត់ឥលូវ នឹកឃើញចេះតែហួសចិត្តដែរ មនុស្សមិនដែលនិយាយជាមួយគ្នាផង កាលនៅរៀនគិតទៅព្រហ្មលិខិតលេងសើចដែរហ្នឹង រៀនជាមួយគ្នាកាលថ្នាក់ទី១០ ឆ្នាំ២០១០ ហើយមិននឹកស្មានមកស្គាល់គ្នាអីឆ្នាំ២០១៩នេះ ហើយមិនដឹង Add friend មកឯងពីកាលណា ហើយនិយាយពីការនៅរៀនវិញអត់ចូលចិត្តម្នាក់ហ្នឹងសោះ ពេលមករៀនអត់ចូលតាមទ្វារទេ ចូលចិត្តចូលតាមបង្អួច។
មានណាឥលូវស្អប់ជំពប់លើហើយ គេថាគេហ្នឹង Team ច្បាស់លាស់ទៀត កន្លះឆ្នាំលឿនដែរអរគុណដែលច្បាស់លាស់ ហើយតាំងពីស្គាល់គាត់ គឺថាពូកែនិយាយឲ្យឯងសើច សប្បាយរហូត ហើយតែងតែយល់ពីខ្ញុំគ្រប់ពេល អត់ខ្វល់អ្នកណានិយាយអីទេ សំខាន់គាត់ល្អសំរាប់ខ្ញុំ ជាចុងក្រោយអរគុណអ្នកមានគុណទាំងសងខាងផងដែរសម្រាប់ថ្ងៃនេះ waiting our big day»។
សូមអបអរគូស្នេហ៍មួយគុទៀតហើយ ដែលមាននិស្ស័យស្នេហ៍នឹងគ្នា មិនថាស្អប់គ្នាយ៉ាងណា ឬបែកគ្នាយូរបែបណាក្តី ឱ្យតែនិស្ស័យស្នេហ៍មកដល់គង់តែបានជួបគ្នា៕
ព័ត៌មានថ្មីៗ
