បុកម៉ាំង ដួលដេកស្ពាប ប៉ូលីសខំវាស់វែងស្មានតែស្លាប់ ដល់ទៅដឹងការពិតហួសចិត្តហ្មង!
វៀតណាម៖ អាចថាជារឿងមួយដ៏គួរឱ្យហួសចិត្ត ដោយសារគ្រោះថ្នាក់ចរាចរណ៍មួយដ៏រន្ធត់រវាងរថយន្ត និងម៉ូតូដែលសមនឹងធ្វើឱ្យគ្រប់គ្នារន្ធត់ចិត្ត បែរជា ធ្វើឱ្យអ្នកលេងបណ្តាញសង្គមហ្វេសប៊ុកផ្ទុះសំណើចពេញហ្នឹងទៅវិញ។
តាមរយៈរូបភាព និងហេតុការណ៍បានឱ្យដឹងថា ភ្លាមៗនោះមានគ្រោះថ្នាក់ចរាចរណ៍មួយបានកើតឡើង ដោយឡានបុកម៉ូតូឡើងឮសូរក្ឌាំង ហើយម៉ូតូបានគៀបចូលក្រោមឡាន ឯម្ចាស់បែរជាដេកស្តូកស្តឹងលែងស្តីដាស់លែងក្រោក ធ្វើឱ្យប៉ូលីសខំវាស់វែងស្មានតែបុរសរងគ្រោះបាត់បង់ជីវិតទៅហើយ។
តែពេលប៉ូលីសគូសវាស់វែងហើយ បុរសរងគ្រោះបែរជាក្រោកឡើងទៅវិញ ធ្វើឱ្យគ្រប់គ្នាភ្ញាក់ផ្អើល ហើយសួរនាំមើលមុខរបួស តែបុរសនោះបែរជាឆ្លើយថាគាត់មិនបានរបួសអីទេ ពេលបុកនឹងឡានគាត់ដួលដេកនឹងដី ស្របពេលគាត់ស្រវឹងងងុយផងក៏គេងស្ពាបតែម្តងទៅ។
រឿងដ៏ហួសចិត្តមួយនេះបែរជាធ្វើឱ្យគ្រប់គ្នាអស់សំណើចខ្លាំងមែនទែន តែក៏ជួយត្រេកអរដែលបុរសម្នាក់នេះបានរួចជីវិតមកវិញ។ យ៉ាងណាៗយើងខ្ញុំសុំណែនាំបងប្អូនទាំងឡាយ ប្រសិនជាស្រវឹងកុំបើកបរ បើជ្រុលជាចង់បើកបរកុំបណ្តោយឱ្យខ្លួនឯងស្រវឹងឱ្យសោះ៕
Recent News
