អ្នកណាថាយំជារឿងឡប់ឆ្គួត? ដឹងទេការយំមានអត្ថប្រយោជន៍ច្រើនណាស់!

កុំថាការយំជារឿងអត់បានការអោយសោះ តែទោះយ៉ាងណាក៏ដោយសង្គមតែងតែមើលឃើញថាការយំគឺជាសញ្ញានៃភាពទន់ខ្សោយ។ ប៉ុន្តែប្រសិនបើអ្នកមានអារម្មណ៍ថាអ្នកត្រូវការយំកុំទប់ទឹកភ្នែកអ្នក។ ពួកគេពិតជាមានអត្ថប្រយោជន៍ចំពោះសុខភាពច្រើនជាងអ្វីដែលយើងគិតទៅទៀត។

អត្ថបទ Bright Side នេះឆ្លុះបញ្ចាំងពីអត្ថប្រយោជន៍មួយចំនួននៃការយំ។

1. កាត់បន្ថយអារម្មណ៍មួរម៉ៅ Stress

ការសិក្សាឆ្នាំ ២០១៤ បានរកឃើញថាការយំអាចជួយឱ្យមនុស្សសម្រាកក្នុងពេលមានភាពតានតឹង។ លទ្ធផលនៃការយំមិនមែនភ្លាមៗទេហើយវាអាចចំណាយពេលពីរបីនាទីមុនពេលរាងកាយចាប់ផ្តើមសម្រាក។

2 . សម្ពាធឈាមដើរល្អ

ជំងឺលើសឈាមអាចបណ្តាលឱ្យមានបញ្ហាសុខភាពធ្ងន់ធ្ងរមួយចំនួនដូចជាជំងឺដាច់សរសៃឈាមខួរក្បាលគាំងបេះដូងខ្សោយបេះដូងជំងឺវង្វេងវង្វាន់និងរូមបញ្ចូលទាំងជំងឺខ្សោយតំរងនោម។ ប៉ុន្តែយោងតាមការសិក្សាជាច្រើនបានបងញហាញថាការយំមិនត្រឹមតែធ្វើឱ្យសម្ពាធឈាមចុះទាបនិងរក្សាវាឱ្យនៅដដែលប៉ុណ្ណោះទេប៉ុន្តែការយំខ្លាំងក៏អាចធ្វើឱ្យជីពចរមានស្ថេរភាពផងដែរ។

3. បំផ្លាញការប្រមូលផ្តុំជាតិពុល

ទឹកភ្នែកដែលហូរចេញពីភ្នែករបស់អ្នកពេលយំអាចបោសសំអាតកំទេចកំទីដូចជាផ្សែងនិងធូលីចេញពីភ្នែក។ ដូចគ្នានេះនៅពេលដែលយើងយំទឹកភ្នែករបស់យើងបញ្ចេញជាតិពុលដែលកកកុញនៅក្នុងខ្លួនដោយសារតែភាពតានតឹង។ ការដកជាតិពុលនេះជួយកាត់បន្ថយកម្រិតអរម៉ូន cortisol នៅក្នុងខ្លួនដែលជាហេតុធ្វើឱ្យអារម្មណ៍ស្រាលជាងមុន។ ហេតុដូច្នេះហើយវាមិនគួរឱ្យភ្ញាក់ផ្អើលទេដែលយើងច្រើនតែមានអារម្មណ៍ធួរស្រាលពីបាត់យំ។

4. ការផ្លាស់ប្តូរអារម្មណ៍

អ្នកប្រហែលឆ្ងល់ថាហេតុអ្វីបានជាអ្នកប្រែជាមានអាការៈឆេវឆាវហើយ មានអារម្មណ៍ធុញថប់បារម្ភ និងឆាប់ខឹងបន្ទាប់មកអ្នកក៏មិនបានដឹងពីមូលហេតុច្បាស់លាស់ទេ។ ការផ្លាស់ប្តូរអារម្មណ៍អាចកើតឡើងដោយសារតែហេតុផលផ្សេងៗ។ ហេតុផលបែបនេះគឺការប្រមូលផ្តុំម៉ង់ហ្គាណែស(Manganes)នៅក្នុងខ្លួន។

នៅពេលដែលយើងយំ ម៉ង់ហ្គាណែស(Manganes)នេះហូរចេញពីរាងកាយជាមួយទឹកភ្នែករបស់យើង។ ដោយហេតុនេះវាជួយកាត់បន្ថយការប្រមូលផ្តុំនូវ ម៉ង់ហ្គាណែស(Manganes)ក្នុងរាងកាយហើយជាលទ្ធផលធ្វើឱ្យអ្នកមានអារម្មណ៍ស្ងប់ស្ងាត់និងស្រស់ស្រាយអារម្មណ៍ឡើងវិញ។

5. កាត់បន្ថយការឈឺចាប់នានា

នៅពេលដែលយើងមានការឈឺចាប់ខាងរាងកាយពេលនោះទឹករមៀលចេញដោយមិនដឹងខ្លួនដែលបង្ហាញថាអ្នកមានការឈឺខ្លាំង យំជាវិធីកាត់បន្ថយអារម្មណ៍ឈឺចាប់។ ការស្រាវជ្រាវបានរកឃើញថាការយំធ្វើឱ្យខ្លួនឯងមានអារម្មណ៍ប្រសើរដោយការស្រក់ទឹកភ្នែកបញ្ចេញអុកស៊ីតូស៊ីននិងអរម៉ូន endorphins ។ សារធាតុគីមីទាំងនេះធ្វើឱ្យមនុស្សមានអារម្មណ៍ល្អហើយក៏អាចបន្ធូរអារម្មណ៍ឈឺចាប់ទាំងផ្លូវកាយនិងផ្លូវចិត្តផងដែរ។

អត្ថបទៈ ចាន់ណា