បរទេស៖ ជារឿងមួយដ៏គួរឱ្យភ្ញាក់ផ្អើលមែនទែន ដោយស្ត្រីដែលរស់នៅរដ្ឋ Las Vegas សហរដ្ឋអាមេរិចអាយុ ៤០ឆ្នាំមួយរូប ត្រូវបានគេដឹងថាបានឈ្នះក្តី នៃការទាមទារប្រាក់សំណងពីមហាសេដ្ឋីវាល់លានមួយរូប ដែលនាងមានកូនជាមួយ ទាំងមិនដែលបានរួមដំណេកជាមួយគ្នាទាល់តែសោះ។
ស្ត្រីមួយរូបនេះត្រូវបានគេដឹងថាឈ្មោះ Jane ធ្លាប់មានអាជីពជាអ្នកសម្អាតនៅក្នុងសណ្ឋាគារមួយកន្លែងនៅពេលដែលនាងមានអាយុ ៣៦ឆ្នាំ ហើយពេលនោះនាងស្រាប់តែបានលួចយកស្រោមអនាម័យដែលមានជាប់ទឹកកាមរបស់មហាសេដ្ឋីខាងបច្ចេកវិទ្យាមួយរូបអាយុ ២៤ឆ្នាំ ដែលនាងបានបោសជូតសម្អាតបន្ទប់យកទៅ។
នៅក្នុងអំឡុងពេលបើកសវនាការសាកសួរ Jane បានសារភាពថានាងមិនដែលរួមដំណេក (រួមភេទ) ជាមួយមហាសេដ្ឋីវ័យក្មេងនោះទេ តែនាងបានយកទឹកកាមដែលបានបន្សល់នៅក្នុងស្រោមអនាម័យដែលនាងបានលួចនោះ យកទៅដាក់បញ្ចូលនៅក្នុងទ្វារសម្ងាត់របស់នាងរហូតមានផ្ទៃពោះ ថែមទាំងបានបង្កើតបានកូនប្រុសមួយរូប ដែលពេលនេះមានអាយុ ៤ឆ្នាំផងដែរ។
មូលហេតុដែលនាំឱ្យនាងមានគំនិតលួចយកមេជីវិតរបស់មហាសេដ្ឋីមួយរូបនេះ នោះក៏ដោយសារតែពេលដែលនាងបានជូតសម្អាតបន្ទប់សណ្ឋាគារដែលសេដ្ឋីនោះស្នាក់នៅ នាងបានឃើញសៀវភៅគណនី Account ធនាគាររបស់មហាសេដ្ឋីនោះដោយចៃដន្យ ធ្វើឱ្យនាងស្រមៃថា ប្រសិនជានាងមានកូនជាមួយមហាសេដ្ឋីបែបនេះ ជីវិតនាងនឹងល្អប្រសើរជាងនេះមិនខាន។
ក្រោយការសាកសួរ និងបានធ្វើតេស្ត DNA រួចមក លទ្ឌផលត្រូវបានគេដឹងថា មហាសេដ្ឋីរូបនេះ ពិតជាឪពុកបង្កើតរបស់កូនប្រុសរបស់ Jane ប្រាកដមែន ដោយតុលាការបានសម្រេចឱ្យមហាសេដ្ឋីរូបនេះ បង់លុយអាហារកិច្ចឱ្យម្តាយរបស់ក្មេងប្រុសនោះ ចំនួន ២ លានដុល្លារ ផងដែរ សម្រាប់រយៈពេល ៣ ឆ្នាំដែលលោកមិនបានចិញ្ចឹមបីបាច់កូនរបស់ខ្លួន។
ហាក់មិនអស់ចិត្ត មេធាវីរបស់មហាសេដ្ឋីរូបនេះ បាននិយាយថា កូនក្តីរបស់លោកគ្រោងនឹងចាត់វិធានការតាមផ្លូវច្បាប់ផ្សេងទៀតប្រឆាំងនឹង ស្ត្រីរូបនេះដែលបានលួចទឹកកាមរបស់ខ្លួន ដែលនេះគឺជាករណីរំលោភលើសិទ្ធិឯកជនរបស់លោក។
ទោះជាយ៉ាងនេះក្តី ក្រោយពីទទួលបានប្រាក់សំណងក្នុងចំនួនដ៏ច្រើនរួចមក Jane បាននាំកូនភៀសខ្លួនរត់ទៅបាត់ ដោយថែមទាំងបានបើកអាជីវកម្មផ្ទាល់ខ្លួនផងដែរ។
ចុះប្រិយមិត្តយល់យ៉ាងណាដែរ?
សម្គាល់៖ ក្រុមការងារយើងខ្ញុំគ្រាន់តែធ្វើការបកប្រែទៅតាមប្រភពព័ត៌មានបរទេសប៉ុណ្ណោះ ចំពោះរឿងរ៉ាវនេះជាការពិត ឬយ៉ាងណានោះ យើងខ្ញុំសូមធ្វើការអភ័យទោសជាមុន! (រក្សាសិទ្ធ Kalib9)