ទើបតែបង្ហោះសារឈឺចាប់ថ្ងៃមុន! ពេលនេះអ្នកនាង ពេជ្រ សោភា បានលើកយកល្ខោនខោលមកសម្តែងលើឆាក ទទួលបានការសរសើរខ្លាំង
ភ្នំពេញ៖ កាលពីប៉ុន្មានថ្ងៃមុន អ្នកនាង ពេជ្រ សោភា ជាតារាចម្រៀងល្បី បានបង្ហោះរូបទាក់ទងនឹងល្ខោនខោលបង្កប់នូវការឈឺចាប់ តូចចិត្តជាខ្លាំងមានអត្ថន័យថា ៖ « ស្រុកខ្ញុំគេអត់រវល់នឹងរឿងនេះទេ មានអារម្មណ៏ថាឈឺ ទៅនៅជាមួយគេចុះគេមិនស្រលាញ់អ្នកទេ សុំទោសដែលខ្ញុំនិយាយពាក្យនេះ »។
ស្រាប់តែកាលពីយប់ពិធីបុណ្យអ៊ុំទូកថ្ងៃទីបី អ្នកនាង ពេជ្រ សោភា បានធ្វើឱ្យអ្នកគាំទ្រភ្ញាក់ផ្អើលខ្លាំង ក្រោយឃើញតារាស្រីរូបនេះបានឡើងច្រៀងលើឆាក ថែមទាំងបាននាំយកសិល្បៈបុរាណខ្មែរ ល្ខោនខោល មកសម្តែងជាពិសេសទទួលបានការសរសើរជាខ្លាំងនូវគំនិតថែរក្សាសិល្បៈវប្បធម៌ខ្មែរបែបនេះ។
នៅក្នុងការលើកយកល្ខោនខោលមកសម្តែងបែបនេះត្រូវបានអ្នកគាំទ្រមើលឃើញថា អ្នកនាងចង់ធ្វើការផ្សព្វផ្សាយ និងរំលឹកទៅដល់ប្រជាជនខ្មែរទាំងអស់ថាល្ខោនខោលនេះជារបស់ខ្មែរ និងចង់ឱ្យកូនខ្មែរទាំងអស់ជួយថែរក្សាវាផងកុំឲ្យបាត់បង់ទើបស្តាយ។
គួរឱ្យដឹងផងដែរថា នេះមិនមែនជាលើកទី១នោះទេ ដែលកំពូលតារាចម្រៀង អ្នកនាង ពេជ្រ សោភា បាននាំយកសិល្បៈបុរាណខ្មែរមកសម្តែងលើឆាកនោះ ព្រោះជារឿយៗមិនថាបទភ្លេងថ្លៃឬការថត MV និងការឡើងឆាកតន្ត្រីនោះទេ អ្នកនាងតែងតែត្បិចយកភ្លេងបុរាណ ឬរបាំបុរាណមកបង្ហាញជានិច្ចគួរឱ្យសរសើរមែនទែន៕
Recent News
