កប់សារីហ្មង! គូស្នេហ៍ Rider ថតរូប Pre-Wedding ប្លែកម្យ៉ាងរបស់គេដែរតើ
ជាការពិតណាស់ នៅក្នុងមួយជិវិតរបស់មនុស្សយើងម្នាក់ៗ ពិធីរៀបការចាត់ទុកថាជាពិធីសំខាន់ដ៏ធំមួយផងដែរ ដែលគ្រប់គ្នាចង់ទទួលបានភាពប្លែក ល្អ ឥតខ្ចោះ ទៅតាមលទ្ធភាពដែលខ្លួនមាន ដោយនៅក្នុងនោះការ ថតរូប Pre-Wedding ក៏ជារឿងមួយដែលគូស្នេហ៍គ្រប់រូបសុទ្ធសុទ្ធតែប្រាថ្នាចង់បានឱ្យមានប្លែកថ្មីទុកជាអនុស្សាវរីយ៍ផងដែរ។
ជាក់ស្តែងថ្មីៗនេះ គូស្នេហ៍ Rider ដែលគេហៅថាក្រុមអ្នកនិយមជិះម៉ូតូធំ បានធ្វើឱ្យអ្នកលេងបណ្តាញសង្គមមានការប្លែកភ្នែកផង និងលាន់មាត់ថាឡូយគ្រប់ៗគ្នា ដោយពួកគេបានដឹកដៃគ្នាស្លៀកឈុតរៀបការប្រពៃណីខ្មែរ ហើយឡើងជិះម៉ូតូធំថតរូប Pre-Wedding ដែលអាចចាត់ទុកថាជាការថតរូបមុនរៀបការដ៏ប្លែកជាងគេមួយ។
តាមរយៈការបង្ហោះរបស់អនាគតកូនក្រមុំ បានឱ្យដឹងថា ការធ្វើបែបនេះព្រោះចង់បំពេញក្តីស្រមៃអនាគតស្វាមីដែលជាគូស្នេហ៍ស្រលាញ់ម៉ូតូធំ ហើយភាពរីករាយរបស់គូស្នេហ៍របស់នាង ក៏ជាអ្វីដែលនាងប្រាថ្នាចង់បានដូចគ្នា។
គួរឱ្យដឹងផងដែរថា រូបភាពទាំងនេះត្រូវបានអ្នកលេងបណ្តាញសង្គមកោតសរសើរគ្រប់គ្នាថាពិតជាប្លែកអស្ចារ្យ ជាពិសេសមើលទៅគួរឱ្យអស់សំណើចខ្លាំង ថែមទាំងទទួលបានការខមមិន និងស៊ែរចែករំលែកដល់ទៅរាប់ពាន់ទៀតផង៕
ព័ត៌មានថ្មីៗ
