ជួបប្រទះហើយស្រុកខ្មែរ កុំប្រហែសឱ្យសោះ! សាកថ្មទូរស័ព្ទចោលសុខៗផ្ទុះត្រូវចៅប្រុសរហូតរបួស ឡើងផ្អើលខេត្តកំពង់ចាម
កំពង់ចាម៖ ជារឿយៗព័ត៌មាននៃការផ្ទុះទូរស័ព្ទ រហូតរងរបួសធ្ងន់ស្រាលរាល់ពេលសាកថ្ម ត្រូវបានចុះផ្សាយជាបន្តបន្ទាប់ដើម្បីជាការយល់ដឹង និងឱ្យគ្រប់គ្នាមានការប្រុងប្រយ័ត្នខ្ពស់។
ស្រាប់តែថ្មីៗនេះករណីផ្ទុះថ្មទូរស័ព្ទបានកើតឡើងប្រាកដមែន ចំពោះប្រជាពលរដ្ឋនៅខេត្តកំពង់ចាម ដោយនេះគ្រាន់តែជាការសាកថ្មចោលតែប៉ុណ្ណោះ តែបែរជាផ្ទុះរហូតរបួសទៅក្មេងប្រុសម្នាក់ដែលនៅចម្ងាយដល់ទៅ ៤ ៥ម៉ែត្រ។
យោងតាមគណនីហ្វេសប៊ុក សេន សាណាស់ បានសរសេររៀបរាប់ថា៖ « ធ្លាប់តែលឺតាមបណ្តាយពត៌មាន បែរប៉ះចៅខ្ញុំរស់នៅ ស្រុកក្រូចឆ្មា ខេត្ត ត្បូងឃ្មុំ កាលពីម៉ោង២យប់មិញ គឺក្មួយស្រីខ្ញំុបញ្ចូលថ្មទូរស័ព្ទ ចំណាយ4ទៅ៥ម៉ែតពីកន្លែងដេក តែនៅផ្ទុះត្រូវទៀត។សូមបងប្អូនប្រុងប្រយ័ត្នផងណា.! សូមឆាប់ជាណាចៅ.! »។
ទោះជាយ៉ាងណាមូលហេតុដែលបណ្តាលឱ្យផ្ទុះ មិនត្រូវបានម្ចាស់គណនីទម្លាយឱ្យដឹងនោះទេ ដោយពេលខ្លះការផ្ទុះអាចមកពីការប្រើទូរស័ព្ទបែកបាក់ដោយមិនជួលជុល ឬប្រើឆ្នាំសាកក្លែងក្លាយដែលធ្វើឱ្យឡោះងកម្តៅជាដើម។
ក្រោយបានដឹងដំណឹងនេះ យ៉ាងណាៗសូមបងប្អូនប្រជាពលរដ្ឋខ្មែរត្រូវតែបង្កើនការប្រុងប្រយ័ត្នឱ្យមែនទែន បើអាចកុំប្រើទូរស័ព្ទពេលសាកថ្ម គួរសាកថ្មឱ្យឆ្ងាយពីខ្លួន ជាពិសេសកុំប្រើឆ្នាំងសាកក្លែងក្លាយឱ្យសោះ៕
ព័ត៌មានថ្មីៗ
