អស្ចារ្យមែន! សម្បកក្រូចថ្លុង អាចយកមកធ្វើជាថ្នាំបាញ់មូស បាញ់ស្រមោច បានយ៉ាងមានប្រសិទ្ធភាពមិនធម្មតា
ដូចដែលយើងបានដឹងរួចមកហើយថា ខែភ្លៀង និងខែធ្លាក់ខ្យល់សម្បូរមូសខ្លាណាស់ ដែលវាអាចបង្កឱ្យប្រជាជន ជាពិសេសក្មេងៗកើតជំងឺគ្រុនឈាមដោយងាយ។
ដូច្នេះហើយដើម្បីការងារ និងបង្ការមូសខ្លាខាំ យើងត្រូវតែបោសសម្អាតផ្ទះ លុបបំបាត់ថ្លុកកន្លែងដក់ទឹក ឱ្យកូនៗគេងក្នុងមុង រួមទាំងកម្ចាត់ និងការបារមូសដៃដូចជាប្រើថ្នាំបាញ់មូស ឬធូបមូសជាដើម តែសារធាតុគីមីមួយនេះបែរជាអាចប៉ះពាល់ដល់សុខភាពមនុស្សយើង និងក្មេងតូចៗបានផងដែរ។
តែពិតជាមិននឹកស្មានដល់មែន ថាការប្រើប្រាស់សំបកក្រូចថ្លុង អាចយកច្នៃធ្វើថ្នាំបណ្តេញមូស និងស្រមោចបានយ៉ាងមានប្រសិទ្ធភាព ជាពិសេសថែមទាំងចំណាយលុយអស់តិច ហើយមិនប៉ះពាល់សុខភាពទៀតផង។
# វិធីធ្វើ៖
-លាងក្រូចថ្លុងឱ្យស្អាត ចិតសម្បក ហើយយកផ្នែកសម្បកសៗ ចេញ រួចចិតជាចំណិតតូចៗស្តើងៗ ហើយដាក់វាចូលក្នុងដបបាញ់ទឹក រួចដាក់ទឹកបំពេញ ដោយលាយជាមួយអាល់កុលបន្តិច ទុកចោលរយៈពេលប្រមាណជា ១៥នាទី
-បន្ទាប់មកលោកអ្នកអាចយកប្រើបានហើយ ដោយយកបាញ់ជុំវិញផ្ទះ ឬបាញ់បន្ទប់គេងដូចថ្នាំបាញ់មូសធម្មតា។
អត្ថបទដកស្រង់៖ អ៊ាង សុផល្លែត
ព័ត៌មានថ្មីៗ
