មើលឃើញពេទ្យល្អខ្លះផង! គួរឱ្យសរសើរ អ្នកជំងឺអនាថាម្នាក់ បានគ្រូពេទ្យចិត្តធម៌មេីលថែរក្សា ឱ្យបាយទឹក និងថ្នាំលេបរហូតជាសះស្បើយ
ដូចដែលយើងបានដឹងរួចមកហើយថា សព្វថ្ងៃនេះការធ្វើជាគ្រូពេទ្យមិនមែនជារឿងងាយទេ ទម្រាំតែប្រលងបានចូលរៀន ថ្លៃសិក្សាក៨អស់ច្រើន រៀនផងអនុវត្តិផង ពេលចេញធ្វើការក៏ត្រូវធ្វើការយប់ថ្ងៃគ្មានសៅរិ៍អាទិត្យសម្រាក បើចំថ្ងៃប្រចាំការទៀតគឺមិនបានសម្រាកពេញមួយយប់តែម្តង តែការធ្វើគ្រូពេទ្យនៅតែចៀសមិនផុតពីការរិះគន់។
នោះក៏ដោយសារតែមានគ្រូពេទ្យមួយចំនួនតូចតែប៉ុណ្ណោះ ដែលពេលខ្លះប្រើពាក្យសម្តីលើសលស់ អសុរោះ និងមិនមានវិជ្ជាជីវៈសង្គ្រោះអ្នកជំងឺគិតតែលុយជាធំជាដើម តែមហាជនបែរជាស្អប់ និងជេរពេទ្យមួយស្រុកខ្មែរតែម្តង ត្រង់ពេទ្យធ្វើល្អមិនសូវជាមានអ្នកមើលឃើញឡើយ។
ដូច្នេះហើយបានជាគ្រូពេទ្យម្នាក់បានចេញមុខមករៀបរាប់អំពើល្អរបស់គ្រូពេទ្យមួយរូបដែលធ្វើឱ្យមហាជនភ្ញាក់ខ្លួន និងកោតសរសើរជាខ្លាំង។ តាមរយៈគណនីហ្វេសប៊ុកឈ្មោះ Chan Tola បានរៀបរាប់ថា៖ « អ្នកជំងឺ អនាថាម្នាក់ មិនមានបងប្អូនមកមេីលថែទាំប្រហែលជាមួយខែដេកសំរាក់ព្យាបាលនៅមន្ទីរពេទ្យបង្អែកខេត្តរតនគិរី គាត់ហេីមជេីងនឹងមានជំងឺធ្ងន់ធ្ងរដេីរទៅណាមិនរួចបន្ទរបង់នៅនិងកន្លែង។ ល។
គាត់ពិតជាមានសំណាងបានជួបអ្នកគ្រូពេទ្យចិត្តធម៌មេីលថែរក្សា អោយបាយទឹក និងអោយថ្មាំលេបទេីបអ្នកជំងឺជាសះស្បើយត្រឡប់ទៅស្រុកគាត់វិញ (ជនជាតិថៃ)បេីមិនមានអ្នកគ្រូពេទ្យនៅមន្ទីរពេទ្យបង្អែកខេត្តរតនគិរីតេីអ្នកជំងឺម្នាក់នេះប្រហែលជាស្លាប់បាត់បង់ជិវិតទៅហេីយ។
អ្នកទាំងអស់គ្នាដឹងទេថាអ្នកគ្រូពេទ្យចិត្តធម៌និងគាត់ជាអ្នកណា ? គាត់គឺជាម្ដាយបង្កើតរបស់ខ្ញុំ រាល់ដំបូន្មានរបស់គាត់តែងតែប្រាប់ខ្ញុំថា ជួយគេអោយបានច្រេីនកូនធ្វើអំពើល្អអោយបានច្រើនទោះគេមិនមែនបងប្អូនយេីងក៏ដោយ ហេីយជួយគេ កុំចង់បានអីតបស្នងមកវិញ ព្រោះយេីងជាពេទ្យ »។
ចុះប្រិយមិត្តយល់យ៉ាងណាដែរ?
Recent News
