ជឿថាបច្ចប្បន្ននេះ ជាសម័យជឿនលឿន ហើយមិនថាក្មេង ចាស់ ប្រុស ស្រីទេ សុទ្ធតែលេងបណ្តាញទំនាក់ទំនងសង្គម ជាពិសេសគឺហ្វេសប៊ុកតែម្តង ពោលគឺដើម្បីតាមដានព័ត៌មាន រឿងក្នុងសង្គម ជាការកម្សាន្ត និងជាការទំនាក់ទំនងការងារ មិត្តភក្តិជាដើម។
ជាក់ស្តែង សូម្បីតែគូសង្សារ មួយចំនួនក៏បានស្វែងរកគ្នាឃើញ មើលចិត្តមើលថ្លើមតាមរយៈបណ្តាញទំនាក់ទំនងសង្គមនេះផងដែរ ដោយអ្នកខ្លះថែមទាំងអភិវឌ្ឍន៍ស្នេហាឈានចូលរោងការជាមួយគ្នាយ៉ាងមានសុភមង្គលទៀតផង។
ជាក់ស្តែង គូស្នេហ៍ថ្មោងថ្មី ដែលបានដឹកដៃគ្នាចូលរោងការមួយគូទៀតហើយ ធ្វើឱ្យអ្នកលេងបណ្តាញសង្គមរំភើបផង អបអរផង និងចម្លែកចិត្តមិនតិចនោះទេ ដោយសារតែស្នេហាមួយនេះ មានទំនាក់ទំនងផ្តើមចេញពីការ Add Story ក្នុងហ្វេសប៊ុកទៅវិញ។
ដោយតាមរយៈគណនីហ្វេសបុកកូនក្រមុំមានឈ្មោះ Lin Lin បានសរសេរររៀបរាប់ថា៖ «អ្នកដទៃមើលមកជាមនុស្សបែបណាមិនសំខាន់ អ្វីដែលសំខាន់គឺអ្នកគ្រប់គ្រាន់សម្រាប់ខ្ញុំ អរគុណដែរខ្ញុំ Add Story សេដលេងៗសោះ Reply Story ខ្ញុំហើយក៏អោយខ្ញុំមានថ្ងៃនេះ អត់ដែលស្គាល់គ្នាផង កុំពូកែ Add Story ពេកប្រយ្ន័តបានប្ដីដូចខ្ញុំ»។
ចុះប្រិយមិត្តយល់យ៉ាងណាដែរ?