បន្តក់ ឬម៉ាស្សាប្រេងដូងក្នុងរន្ធផ្ចិត ផ្តល់ផលល្អដល់សុខភាពច្រើនដល់ថ្នាក់នេះ
ប្រេងដូងត្រូវបានគេដឹងថាជាប្រេងម្យ៉ាងដែលល្អចំពោះសុខភាព ទាំងការយកមកទទួលទាន ជាពិសេសទាំងយកមកថែរក្សាសម្រស់ពីក្បាល ដល់ចុងជើងតាមរយៈការលាយលាបលើផ្ទៃមុខ ស្បែក និងសរសៃសក់ជាដើម។
ជាក់ស្តែង សូម្បីតែការម៉ាស្សាបន្តក់ប្រេងដូងចូលទៅក្នុងរន្ធផ្ចិត ក៏ល្អចំពោះសុខភាពដូចគ្នា នោះដោយសារតែតំបន់រន្ធផ្ចិត គឺជាប្រជុំនៃសរសៃប្រសាទរាប់ពាន់ ដែលត្រូវបានផ្សារភ្ជាប់ទៅនឹងតំបន់ដទៃទៀតនៃពោះ។
ខាងក្រោមនេះជាអត្ថប្រយោជន៍នៃការម៉ាស្សាបន្តក់ប្រេងដូងចូលរន្ធផ្ចិត ៖
១. ជួយបង្កើនលទ្ធភាពក្នុងការមានកូន៖ ការបន្តក់ប្រេងដូចចូលក្នុងរន្ធផ្ចិត និងម៉ាស្សាថ្នមៗ ត្រូវបានគេជឿជាក់ថាអាចជួយបង្កើនការមានកូន។ ដោយសារតែប្រេងដូងអាចជួយជំរុញដល់លំហូរឈាម ជួយបំបែកខ្លាញ់នៅតំបន់ក្បាលពោះ ដែលអាចជួយឱ្យឆាប់មានកូន។
២. ការពារជំងឺផ្តាសាយ៖ ប្រេងដូង ត្រូវបានគេប្រើជាញឹកញាប់ដើម្បីបង្កើនថាមពល និងពង្រឹងដល់ប្រព័ន្ធភាពស៊ាំ។ ការលាបប្រេងដូងបន្តិចបន្តួចនៅលើតំបន់រន្ធផ្ចិត អាចជួយការពារការឆ្លងមេរោគដូចជាផ្តាសាយជាដើម។
៣.កាត់បន្ថយការឈឺក្រពះ និងកាត់បន្ថយការឈឺពោះ៖ ប្រេងដូងត្រូវបានគេរកឃើញថា មានផ្ទុកសារធាតុប្រឆាំងអុកស៊ីតកម្មដ៏សំខាន់បំផុត ប្រសិនបើអ្នកលាបនៅតំបន់រន្ធផ្ចិតអាចជួយកាត់បន្ថយការឈឺក្រពះ និងកាត់បន្ថយការឈឺចាប់ក្នុងពោះផងដែរ។
៤. បង្កើនសមត្ថភាពភ្នែក៖ ការម៉ាស្សាប្រេងដូងអាចជួយថែរក្សាភ្នែកឲ្យមើលឃើញកាន់តែច្បាស់ និងជៀសផុតពីបញ្ហាផ្សេងៗដូចជា ភ្នែកស្ងួត និងព្រិលមិនមិនច្បាស់។
# វិធីនៃការប្រើប្រេងដូង
-ជ្រលក់សំឡីកប្បាសនៅក្នុងប្រេងដូងឲ្យជោគ។
-បន្តក់ប្រេងដូងចូលទៅក្នុងរន្ធផ្សិត និងយកសំឡីកប្បាសទៅដាក់ពីលើ
-បន្ទាប់មក ធ្វើការម៉ាស្សាជុំវិញរន្ធផ្ចិតរយ:ពេល ១៥នាទី ដើម្បីសម្រេចនូវប្រសិទ្ធភាព៕
ព័ត៌មានថ្មីៗ
