លើលោកនេះមានរឿងជាច្រើនដែលយើងគិតថាមិនអាចទៅរួច តែនៅតែអាចទៅរួចនៅក្នុងពេលវេលាជាក់លាក់ណាមួយដែលយើងនឹកស្មានមិនដល់ ជាពិសេសគឺសេចក្តីស្នេហាតែម្តង មិនថាឧបសគ្គ ឬបញ្ហាកើតឡើងយ៉ាងណាក៏ដោយ ឱ្យតែមានចិត្តឱ្យគ្នា ព្រមស្មោះស្ម័គ្ររឿងអ្វីៗនឹងអាចទៅរួចជាមិនខាន។
ជាក់ស្តែងគូស្នេហាមួយគូ ត្រូវបានមហាជន ភ្ញាក់ផ្អើលផង អបអរសាទរផង ដោយគូស្នេហ៍មួយគូនេះហាក់ចម្លែកប្លែកខុសគេតែម្តង ដោយសារតែពួកគេ ទើបតែស្រលាញ់គ្នាបាន ៣ខែ តាមហ្វេសប៊ុកប៉ុណ្ណោះទាំងមិនដែលជួបមុខគ្នា តែពួកគេបែរជាមានចិត្តស្រលាញ់ខ្វះគ្នាមិនបាន រហូតរៀបចំពិធីភ្ជាប់ពាក្យយ៉ាងធំដុំ តែគ្មានវត្តមានកូនកំលោះផ្ទាល់ចូលរួមនោះឡើយ ពោលគឺភ្ជាប់ពាក្យតាមវីដេអូខលទៅវិញ។
បេីយោងតាមរយៈគណនីហ្វេសប៊ុកឈ្មោះ ឃាង ធារី ដែលត្រូវជាកូនកំលោះ បានបង្ហោះសារ រៀបរាប់ថា៖ «រយះពេល៣ខែ ដែលបងបានស្រលាញ់អូនតាមហ្វេសប៊ុកទាំងដែលមិនធ្លាប់ឃេីញគ្នាផ្ទាល់ម្តងសោះ អ្វីៗគឺកេីតចេញពីនិស្ស័យ ហេីយពេលនេះបងនៅឆ្ងាយពីអូនកំពុងតែធ្វេីការនៅកូរ៉េ។
ទោះបីពួកយេីងនៅឆ្ងាយពីគ្នាមែនពិត តែពួកយេីងក៍អាចភ្ជាប់ពាក្យតាមវីឌីអូឆាតក៍បានដែរ សំខាន់ចិត្តពួកយេីងទាំង២នៅជា១គ្នា នឹងស្រលាញ់គ្នាស្មោះត្រង់ ហេីយមិនយូរទេសល់ពេលតែ៤ខែទៀត ពួកយេីងនឹងបានជួបជុំគ្នានឹងរៀបការជា១គ្នាហេីយ ប្រពន្ធសំលាញ់រង់ចាំបន្តិចទៅណា។ កូនទាំង២សូមអគុណរដល់អ្នកមានគុណទាំងសងខាងដែលជួយរៀបចំកម្មវីធីអោយកូន»។
ចុះប្រិយមិត្តយល់យ៉ាងណាដែរចំពោះគូស្នេហ៍មួយគូនេះ? សូមទស្សនារូបភាព និងវីដេអូខាងក្រោមនេះ ៖