ថ្មីៗនេះរូបភាព និងវីដេអូក្មេងស្រីតូចអាយុ ៥ឆ្នាំមួយរូប បាននឹងកំពុងតែទទួលបានការចាប់អារម្មណ៍ខ្លាំង និងធ្វើឱ្យគ្រប់គ្នាសម្តែងក្តីអាណិតអាសូរផងដែរ ដោយប្អូនមានអាយុតិច ហើយទើបតែរៀនថ្នាក់ទី១ប៉ុណ្ណោះ តែបែរជាមានភាពឆ្លាតវៃអាចអានអក្សរថ្នាក់ ទី ៤ ៥ និង ៦ទៀតផង។
ដោយប្អូនស្រីទោះបីជាមានគ្រួសារក្រីក្រយ៉ាងណា តែប្អូនស្រីពិតជាមានការតស៊ូក្នុងការសិក្សាមែនទែន ថែមទាំងមានភាពឆ្លាតវៃលើសក្មេងៗមិត្តរួមថ្នាក់ដទៃផងដែរ។
តាមរយៈគណនីហ្វេសប៊ុក Tang Kim Heng បានបង្ហោះរូបភាព និងវីដេអូក្មេងស្រីឆ្លាតមួយរូបនេះ ដោយបានរៀបរាប់ថា៖ « នៅព្រឹកថ្ងៃទី 29 /11/2019 នៅសាលាបឋមសិក្សាបាដាក ដែលស្ថិតនៅភូមិអូរឃ្មុំ ឃុំ រស្មីសង្ហារ ស្រុក រតនមណ្ឌល ខេត្តបាត់ដំបង បានធ្វើតេស្តសិស្សឈ្មោះ វ៉ាត សំនៀង ភេទ ស្រី អាយុ 5 ឆ្នាំ រៀនថ្នាក់ទី ១(ខ) ។
ដោយប្អូនស្រីមានសមត្ថភាពខ្ពស់អាចអានសៀវភៅភាសាខ្មែរថ្នាក់ទី៤ ទី៥ និង ទី៦ បានយ៉ាងល្អរហូតដល់ទៅ95% ។កត្តាជីវភាពរបស់ប្អូនមិនសូវជាធូរធារប៉ុន្មានទេតែប្អូនខិតខំប្រឹងប្រែងរៀនសូត្រណាស់ទើបតែថ្នាក់ទី១សោះ។បើបងប្អូនមានបំណងចង់ជួយឧបត្ថម្ភដល់ការសិក្សារបស់ប្អូនស្រីអាចទាក់ទងមកនាងខ្ញុំតាមលេខទូរស័ព្ទ 0965257113 ឬ ហ្វេសប៊ុក Tang Kim Heng សូមអរគុណ!! » ។
សូមទស្សនារូបភាព និងវីដេអូខាងក្រោមនេះ ៖