មានស្នេហាដឹងហើយថាប្រាកដជាជួបតែរឿងជូរចត់ និងឈឺចាប់ជាងពេលផ្អែមល្ហែម ដូចពាក្យចាស់ថា វេលាមានក្តីសុខដើរលឿនណាស់ តែបន្តិចការឈឺចាប់ក៏បានមកដល់ តែនៅតែមិនរាង ចង់សាកល្បងស្នេហាមួយនេះម្តងហើយម្តងទៀត។ កន្លងមកដែលយើងបានស្កាល់គ្នា តើមានរសជាតិបែបណាខ្លះដែលថាខ្ញុំមិនធ្លាប់បានទទួលពីអ្នកនោះ? ទាំងសម្តី កាយវិការ ការបន្ទោស ការបង្អាប់ ភាពគ្រោតគ្រាត ភាពសោះអង្គើយ ការមិនខ្វល់ មិនអើពើ!
តើ.......
- ប៉ុន្មានដងហើយ ដែលគេធ្វើឱ្យយើង ខូចចិត្ត?
- ប៉ុន្មានដងហើយ ដែលគេធ្វើឱ្យយើង ក្រៀមក្រំ?
- ប៉ុន្មានដងហើយ ដែលគេធ្វើឱ្យយើង ពួនយំ?
- ប៉ុន្មានដងហើយ ដែលគេធ្វើឱ្យយើង ឈឺចាប់?
- ប៉ុន្មានដងហើយ ដែលគេធ្វើឱ្យយើង អស់សង្ឃឹម?
- ប៉ុន្មានដងហើយ ដែលគេធ្វើឱ្យយើងខកចិត្ត ?
- ប៉ុន្មានដងហើយ ដែលគេធ្វើឱ្យយើងចង់ចុះចាញ់ដើរចេញ?
ហើយនិង....
- ប៉ុន្មានដងហើយ ដែលយើង មិនខឹង?
- ប៉ុន្មានដងហើយ ដែលយើង ព្រមអភ័យ?
- ប៉ុន្មានដងហើយ ដែលយើង នៅទ្រាំ?
- ប៉ុន្មានដងហើយ ដែលយើង ចាំលួង និងទ្រគេគ្រប់ពេល?
- ប៉ុន្មានដងហើយ ដែលយើងនៅតែឈរនៅទីនេះ ត្រង់នេះ?
- ប៉ុន្មានដងហើយ ដែលយើងអាចធ្វើអ្វីគ្រប់យ៉ាងសម្រាប់គេ?
- ប៉ុន្មានដងហើយ ដែលយើងប្រាប់ខ្លួនឯងថាមានសង្ឃឹម ញញឹមលួងខ្លួនឯង...?
ប៉ុន្តែ.....ពេលនេះយើងហត់ហើយ យើងគួរសម្រាកខ្លះក៏ល្អ ពេលខ្លះការព្យាយាម និងការអត់ទ្រាំមានកំណត់ ហើយបើគេមិនពេញចិត្តនឹងយើងហើយ គេមិនចង់ឃើញវត្តមានរបស់យើងហើយ ទោះយើងធ្វើអ្វីក៏ខុស ហើយក៏មិនត្រូវចិត្តគេដែរ...ពេលខ្លះការដែលយើងចាកចេញ ការពិតយើងមិនចង់ដើរចេញនោះទេ តែគឺជាគេទេដែលចង់ឱ្យយើងដើរចេញដោយខ្លួនឯង !! ដូច្នេះឈប់ឆ្កួតទៀតទៅ!