ពិតណាស់ការពិតនៅក្នុងលោកយេីងនេះមនុស្សម្នាក់ៗតែងតែមានបំណងប្រាថ្នារៀងខ្លួនដោយអ្នកខ្លះសម្រេចបានហេីយអ្នកខ្លះទៀតក៏សម្រេចពុំទាន់បាននៅឡេីយនោះទេ ។ ចំណែកការសិក្សាក៏ជាផ្នែកដែលធំបំផុតមួយនៅក្នុងជីវិតរបស់មនុស្សម្នាក់ៗដូចគ្នាដែរដែលពុំអាចខ្វះបាននោះទេ ។
បេីយេីងក្រឡេកមកមេីលលោកយាយម្នាក់ដែលមានអាយុ ៧១ ឆ្នាំគាត់បានខិតខំតស៊ូរៀនសូត្របំពេញក្ដីស្រមៃរបស់ខ្លួនរហូតបានសម្រេចក្ដីប្រាថ្នាធំជាងគេក្នុងឆាកជីវិតរបស់លោកយាយផ្ទាល់ ។
ជាក់ស្តែងនៅក្នុងគណនីហ្វេសប៊ុកមួយដែលមានឈ្មោះថា Buddhism for Education of Cambodia(BEC) បានបង្ហោះវិដេអូ អមជាមួយនឹងរូបលោកយាយ ថែមមកជាមួយសារយ៉ាងខ្លីថា៖ « លោកយាយ មានជន្មាយុ ៧១ ឆ្នាំ តស៊ូសិក្សារហូតបានបញ្ចប់ថ្នាក់បរិញ្ញាបត្រ ។ ពិធីប្រគេននិងប្រគល់សញ្ញាបត្ររបស់ពុទ្ធិកសាកលវិទ្យាល័យព្រះសីហនុរាជ នៅវិទ្យាស្ថានអប់រំជាតិ ភ្នំពេញ ។ សូមចូលរួមត្រេកអរជាមួយលោកយាយផង! ០៥ ឈ្នូ ២០១៩ »។
ដោយសារឃេីញបែបនេះហេីយទេីបមហាជនមានការសាទរជាមួយនឹងលោកយាយផ្ទាល់ដោយមានពាក្យជូនពរផង ជូនដល់លោកយាយផ្ទាល់ដែលបានសម្រេចគោលបំណងនាវ័យបែបនេះផងដែរ ៕
សូមទស្សនារូបភាព និង វីដេអូខាងក្រោម