ភ្នំពេញ : ប្រិយមិត្តបានជ្រាបរួចមកហេីយថាលោក ទិច ឈីរ៉ូ ដែលជាតារាចម្រៀងល្បីរបស់ប្រទេសថៃ បានធ្លាប់ចាប់ដៃគូច្រៀងចម្រៀងមួយបទដែលមានចំណងជេីងថា « SAD MAN » ជាមួយតារាចម្រៀងកម្ពុជាលោក ខេមរៈ សេរីមន្ត រួចមកហេីយ ។ បន្ទាប់ពីបទចម្រៀងរបស់លោកទាំងពីរចេញរួចគេសង្កេតឃេីញថាមានការគាំទ្រយ៉ាងខ្លាំងពីសំណាក់ប្រិយមិត្តរបស់ប្រទេសទាំងពីរផងដែរ ។
តែនៅពេលមុននេះបន្តិចគណនីហ្វេសបុករបស់លោក ខេមរៈ សេរីមន្ត បានបង្ហោះរូប ដោយភ្ជាប់ជាមួយឃ្លាមកថា ៖
« ថ្ងៃនេះបងទិចឈីរ៉ូមកលេងដល់ផ្ទះពិតជាសប្បាយខ្លាំងណាស់
ពួកយើងនៅជាតារាចម្រៀងនៅប្រទេសពីរខុសគ្នាតែពួកយើងស្រលាញ់គ្នាដូចបងប្អូនចឹង » ។
ដោយសារឃេីញការបង្ហោះបែបនេះទេីបមហាជនមានការគាំទ្រក៏ដូចជាមតិជាច្រេីនដែលសំណូមពរឲ្យតារាចម្រៀងទាំងពីរអាចមានឱកាសច្រៀងចម្រៀងជាមួយគ្នានៅពេលខាងមុខបន្តទៀតដេីម្បីផ្លាស់ប្ដូរបទពិសោធន៍គ្នាដេីម្បីឲ្យវិស័យចម្រៀងក្នុងប្រទេសទាំងពីរមានការរីកចម្រេីនខ្លាំងជាងនេះថែមទៀត ៕