ការរត់ប្រណាំងកីឡាម៉ារ៉ាតុង គឺជាប្រភេទកីឡាមហាជនមួយ ដែលកំពុងទាក់ទាញអ្នកចូលរួមយ៉ាងកុះករជុំវិញពិភពលោក ដោយសារតែកីឡានេះវាផ្ដល់ប្រយោជន៍ផ្នែកអប់រំសុខភាពរាងកាយ ជាលក្ខណៈទូលំទូលាយ ក៏ដូចជាសម្រាប់វិស័យទេសចរណ៍ និងការកសាងមិត្តភាពផងដែរ។
ជាក់ស្តែងនៅក្នុងប្រទេសម្ពុជាយើង ក៏មានកម្មវិធីប្រកួតកីឡាម៉ារ៉ាតុងនេះដូចគ្នា ថែមទាំងមានអ្នកចូលរួមកាន់តែច្រើនឡើងៗពីមួយឆ្នាំទៅមួយឆ្នាំ តែនៅក្នុងនោះថ្មីៗនេះក៏មានការរិះគន់មិនស្ទើរដែរថា អ្នករត់ម៉ារ៉ាតុងកម្ពុជាបានពង្រាយដបទឹកសុទ្ធតាមផ្លូវមើលទៅពិតជាឥតសណ្តាប់ធ្នាប់ ថែមទាំងប៉ះពាល់បរិស្ថានទៀត។
តែជាការពិតណាស់ប្រទេសណាក៏ដូចប្រទេសណាដែរ រាល់ការរត់ម៉ារាតុងតែងតែមានការចោលដបទឹកតាមដងផ្លូវជានិច្ច ព្រោះភារកិច្ចក្នុងការប្រមូលសំរាមជាតួនាទីរបស់អ្នករៀបចំកម្មវិធី អត្តពលិកត្រូវផ្តោតទៅលើការប្រកួត និងរក្សាថាមពលដើម្បីឈានដល់គោលដៅមិនតម្រូវអោយកាន់ទឹកសុទ្ធហើយរត់ទៅរកធុងសម្រាមឡើយ។
តែអ្វីដែលត្រូវគិតនោះថា តើពេលបញ្ចប់ការប្រកួតហើយនោះអ្នកចាត់ចែងកម្មវិធីមានបានវេចខ្ចប់សំរាមត្រឹមត្រូវដែរឬទេ?
តោះ! ចូលរួមខមមិន ផ្តល់យោបល់ទាំងអស់គ្នា ៖