ព្រឺសម្បុរខ្លាំង អ្នកនាង ពេជ្រ សោភា លេីកយកបទចម្រៀងភ្ជាប់ជាមួយល្ខោនខោលខ្មែរមេីលទៅប្លែកភ្នែកតែម្ដងក្នុងកម្មវិធីសប្បុរសធម៌មួយ !
ភ្នំពេញ ៖ កាលពីយប់ថ្ងៃទី ១៥ ខែ ធ្នូ កន្លងទៅនេះ ការប្រគំតន្រ្ដីស្នាមញញឹមដែលរៀបចំដោយក្រុមហ៊ុនស្មាតដេីម្បីរៃអង្គាសប្រាក់ជួយដល់មន្ទីរពេទ្យគន្ធបុប្ផា បានបញ្ចប់ទៅដោយរលូនគួរឲ្យកត់សម្គាល់ ហេីយមានសប្បុរសជនជាច្រេីនបានចូលរួមជាមួយការប្រគំតន្រ្ដីនេះប្រកបដោយទឹកមុខរីករាយក្រៃលែង ។
ដោយឡែកយេីងក្រឡេកទៅមេីលតារាចម្រៀង អ្នកនាង ពេជ្រ សោភា បានលេីកយកចម្រៀងមួយបទដែលទាក់ទងនឹង ល្ខោនខោលខ្មែរ ត្រង់ឈុតដែលនាងសិតាបញ្ជាក់ប្រាប់ព្រះរាមថារូបនាងមិនបានក្បត់នឹងព្រះស្វាមីនោះទេ ។ ដែលមួយឈុតនេះហេីយដែលធ្វេីទស្សនិកជនហ៊កញ្ជៀវខ្លាំងមួយទំហឹងតែម្ដង ។
ហេីយអ្នកនាងក៏សង្ឃឹមថាកូនខ្មែរជំនាន់ក្រោយនឹងចាំនូវសម្បត្តិបតិកភ័ណ្ឌខ្មែរដ៏ល្អវិចិត្រនេះក្នុងបេះដូងនិងបន្តថែរក្សានូវសម្បត្តិដ៏ថ្លាថ្លៃមួយនេះជារៀងតទៅ ៕
ព័ត៌មានថ្មីៗ
