ថ្មីៗយេីងបានឃេីញថាខេត្តព្រះសីហនុគឺបាននឹងកំពុងអភិវឌ្ឍឡេីងវិញក្រោយការឡេីងកាន់តំណែងជាអភិបាលខេត្តរបស់ ឯកឧត្ដម គួច ចំរេីន ដែលនេះគឺទទួលការសាទរពីសំណាក់ប្រជាជនជាច្រេីន ។ ក្នុងនោះដែរយេីងក៏បានឃេីញការយកចិត្តទុកដាក់រឿងបរិស្ថានខ្លាំងមែនទែនពីសំណាក់រដ្ឋបាលខេត្តព្រះសីហនុ ។
ស្របពេលនេះដែរយេីងក៏បានឃេីញយុវជនពីរនាក់ដែលជាគម្រូល្អក្នុងសង្គមបានបង្ហោះពីយុទ្ធនាការសម្អាតបរិស្ថានដផយគណនីហ្វេសបុកមួយមានឈ្មោះ Bonvongsaranyou Rith បានបង្ហោះថា៖
« ល្ងាចនេះបាន៣បាវ ដោយមានគ្នាត្រឹមតែពីរនាក់ ចុះទម្រាំមានគ្នាច្រេីនលេីសនេះ តេីយេីងនឹងអាចរេីសសម្រាមបានប៉ុន្មានបាវទៅ ?
ខ្ញុំសង្ឃឹមថាអ្នកទាំងអស់គ្នានឹងចូលរួមជាមួយខ្ញុំនាសប្ដាហ៍ក្រោយ » ។
ក្រោយការបង្ហោះរបស់ម្ចាស់គណនីខាងលេីភ្លាមគេបានឃេីញផេកហ្វេសបុកផ្លូវការរបស់ឯកឧត្ដម គួច ចំរេីន ក៏បានបង្ហោះសារលេីកទឹកចិត្តក៏ដូចជាកោតសរសេីរថា៖ « ពូពិតជាសូមកោតសសេីរយ៉ាងក្រៃលែងនូវសកម្មភាពដ៏ល្អប្រពៃ និងគម្រូរបស់ក្មួយទាំងពីរក្នុងការសម្អាតឆ្នេរអូរឈេីទាលអោយស្រស់បំព្រងកាលពីរសៀលនេះ។
ពូសូមលេីកទឹកចិត្តអោយមានសកម្មភាពបែបនេះជាបន្តបន្ទាប់ទៀត ដេីម្បីអោយឆ្នេរសមុទ្រយេីងកាន់តែមានសោភណ៍ភាព។ ឆ្នេរសមុទ្រស្អាតផ្តេីមចេញពីយេីងទាំងអស់គ្នា »។
ដូច្នេះហេីយឯកឧត្ដមក៏បានសំណូមពរដល់ប្រជាពលរដ្ឋដែលទៅកំសាន្តនៅទីណាក្ដីឃេីញសម្រាមតិចតួចក្ដីគួរតែចេះជួុយសម្អាតគ្នាដេីម្បីបរិស្ថានស្អាតជុំវិញប្រទេសរបស់យេីង ៕