ប្រទេសថៃ៖ ដូចដែលយើងដឹងហើយថា តារាសម្ដែងសាច់ចាំ សម្រស់ស្រស់ស្អាតមិនធម្មតា កញ្ញា Patcharapa Chaichua ដែលយើងស្គាល់ច្បាស់ថា កញ្ញា Aum នោះ កាន់តែមានសម្រស់ស្រស់ស្អាត ពីមួយថ្ងៃ ទៅមួយថ្ងៃ ទោះបីពេលនេះ វ័យរាងជ្រេបន្តិចក៏ដោយ។
Aum គឺជាតារាសម្ដែងជួរមុខមួយនៃប្រទេសថៃ ដែលមានកិត្តនាមយ៉ាងខ្ពស់ ហើយមកទល់ពេលនេះ ទោះវ័យ ៤១ឆ្នាំក៏ដោយ ក៏តារាស្រីស្រករក្រោយ នៅតែមិនអាចផ្ដួលនាងបានឡើយ ដោយសារតែទេពកោសល្យសម្ដែង និងទឹកមុខ រាងរៅស្រស់ស្អាតនៅឡើយ ខណៈតារាថ្មីៗចូលក្រោយនាងខ្លះ អាចនឹងមានមុខមាត់ចាស់ជាងនាងថែមទៀតផង។
ថ្មីៗនេះ គេឃើញស្រីស្អាត Aum Patcharapa បានគ្រងឈុតនារីជនជាតិចិន អមជាមួយគ្រឿងអលង្ការជ្រែកខ្លួនខណៈមានព័ត៌មានខ្លះបានបង្ហើបថា មានតម្លៃដល់ទៅក្បែរ ១០០លានបាត ឯណោះ ហើយសម្រស់នាងទៀតសោត ក៏កាន់តែលេចធ្លោ ជាមួយឈុតឆែកដល់ភ្លៅបង្ហាញសាច់ខ្ចី និងដើមទ្រូងសក្បុសទៀត៕