ស្រលាញ់គ្នាឱ្យតែមានភាពច្បាស់លាស់នឹងគ្នាហើយ ទោះពេលវេលាច្រើនឆ្នាំយ៉ាងណា គង់តែអាចជួបគ្នាសាងអនាគតបានដូចបំណង។
នៅក្នុងនោះដែរ គូស្នេហ៍មួយគូទៀតហើយ ត្រូវបានគេដឹងថាសាងស្នេហារយៈពេលដល់ទៅ ៩ឆ្នាំ ទាំងគ្មានការដឹងឮពីចាស់ទុំ តែនៅតែរក្សាក្តីស្រលាញ់ជាប់រហូត ដល់ពេលនេះបានជួបគ្នាដូចបំណង ដោយខាងប្រុសបាននាំចាស់ទុំស្តីដណ្តឹងតាមប្រពៃណីមើលទៅរំភើបចិត្តជំនួស។
តាមរយៈគណនីហ្វេសប៊ុក ស្រ៊ី ម៉ុងតាល់ បានរៀបរាប់ថា ៖ « ប្រមាណ៩ឆ្នាំហើយ ដែលយើងទាំងពីរមានឈ្មោះត្រឹមជាសង្សារ គ្មានការដឹងលឺពីចាស់ទុំសងខាង។ ប៉ុន្ដែថ្ងៃទី ១៩ ខែ មករា ឆ្នាំ ២០១៩នេះ ខ្ញុំបានអញ្ជើញចាស់ទុំសុំចូលស្ដីដណ្ដឹងគាត់ ហើយប្រព្រឹត្តទៅនូវពីធីភ្ជាប់ពាក្យយើងទាំងពីរ ដោយមានការបំពាក់ជញ្ជៀនគ្នាផងដែរ។
ខ្ញុំពិតជាអរគុណមាតាបិតា អ្នកមានគុណទាំងសងខាងដែលបានជ្រោមជ្រែងពីធីមួយនេះអោយកើតមានឡើង។
ចំណាំ: បើស្រឡាញ់គ្នាគ្មានថ្ងៃរៀបការ សូមកុំស្រឡាញ់គ្នាអី នាំអោយមានការខាតបង់
ស្រ៊ី ម៉ុងតាល់»៕