លោក ជា វិបុល និងអ្នកនាង គង់ សុជាតិ បានរៀបអាពាហ៍ពិពាហ៍ជាមួយគ្នាច្រើនឆ្នាំមកហើយ តែគូស្នេហ៍សិល្បៈមួយគូនេះ នៅតែមានភាពល្អូកល្អើនផ្អែមល្ហែមខ្លាំង និងបន្តពួតដៃគ្នាធ្វើការរកស៊ី មើលទៅពោរពេញទៅដោយសុភមង្គលនៅក្នុងគ្រួសារ។
ជាក់ស្តែងបើទោះបីជាមានភាពល្បីល្បាញ និងមានទ្រព្យសម្បត្តិហូរហៀរច្រើនយ៉ាងណាក៏ដោយ តែលោក ជា វិបុល និងអ្នកនាង គង់ សុជាតិ នៅតែប្រឹងប្រែងធ្វើការគ្មានថ្ងៃសម្រាក ពិសេសអ្នកនាង គង់ សុជាតិ ព្រោះតែគោរពម៉ោងធ្វើការខ្លាំងរហូតខ្លាចខកម៉ោងការងារ បានជិះម៉ូតូទៅធ្វើការកុំឱ្យយឺតម៉ោងផងដែរ។
ដោយនៅក្នុងនោះ លោក ជា វិបុល បានបង្ហោះ អ្នកនាង គង់ សុជាតិ ជិះម៉ូតូ ថែមទាំងបានរៀបរាប់ថា៖ « ប្រពន្ធខ្ញុំចូលចិត្តណាស់ រឿងស្លន់ខ្លាចទៅមិនទាន់ ម៉ូតូសឹងគ្រប់ពេល 😂😍 តែល្អដែរមានទំនួលខុសត្រូវការងារបានល្អ 👍😍 បងចូលចិត្ត »។
នេះពិតជាគូស្នេហ៍ប្តីប្រពន្ធគំរូដែលមិនចេះប្រកាន់ខ្លួន ថែមទាំងគោរពម៉ោងការងារគួរឱ្យសរសើរខ្លាំង គួរឱ្យយកតម្រាប់តាមមែនទែន៕