ចូលរួមអបអរផង! អតីតហ្វ្រេសស៊ីចំណាត់ថ្នាក់លេខ២ ឆ្នាំ ២០១៥ ម៉េង យៀកលី បានសម្រេចចិត្តចូលរោងការក្នុងដើមខែ កុម្ភៈ នេះហើយ
កញ្ញា ម៉េង យៀកលី ត្រូវបានដឹងថាជាតារាដែលមានឈ្មោះល្បីគួរសម តាមរយៈការចូលរួមប្រលងកម្មវិធី Freshie Girls & Boy ដែលរៀបចំដោយក្រុមហ៊ុន BKA Entertainment កាលពីឆ្នាំ ២០១៥ ដោយទទួលបានចំណាត់ថ្នាក់ជ័យលាភីលេខ២។
ក្រោយទទួលបានលទ្ធផលល្អនៅក្នុងការប្រលង កញ្ញា យៀកលី មានការងារសិល្បៈជាច្រើនដូចជាការសម្តែង រួមទាំងការងារជាពិធីការិនីទៀតផង តែក្រោយមកកញ្ញាក៏បានដកខ្លួនពីសិល្បៈមួយរយៈ ដោយងាកមកធ្វើជំនួញផ្ទាល់ខ្លួនវិញ ថែមទាំងទទួលបានជោគជ័យខ្លាំងទៀតផង។
ស្រាប់តែថ្មីៗនេះ កញ្ញា ម៉េង យៀកលី បានប្រកាសកម្មវិធីធំរបស់ខ្លួនរហូតផ្អើលអស់មិត្តហ្វេសប៊ុក មិត្តរួមសិល្បៈ និងអ្នកគាំទ្រជាច្រើន ដោយកញ្ញា បានប្រកាសលាភាពនៅលីវ ចូលរោងការនៅថ្ងៃទី ២ ខែកុម្ពៈ ដើមឆ្នាំ ២០២០ នេះហើយ ជាមួយនឹងគូដណ្តឹងរបស់កញ្ញាដែលបានភ្ជាប់ពាក្យតាំងពីចុងឆ្នាំ ២០១៧ មកម្ល៉េះ។
គួរឱ្យដឹងផងដែរថា កញ្ញា ម៉េង យៀកលី នឹងរៀបអាពាហ៍ពិពាហ៍ ដោយជប់លៀងពិសាភោជនីយអាហារក្នុងអគារ ដឺព្រេមៀសេនធឺ សែនសុខ ដោយគ្រោងរៀបចំកម្មវិធីធំដុំដល់ទៅ ២អគារឯណោះ។ សូមចូលរួមអបអរកញ្ញាផង៕
ព័ត៌មានថ្មីៗ
