រកឃើញហើយ មេរោគកូរ៉ូណាឆ្លងមកពីហាងសាច់កណ្តុរ ប្រចៀវ និងសាច់សត្វព្រៃដែលនៅកណ្ដាលក្រុង Wuhan រហូតហាមឃាត់ប្រជាជនប្រមាណ ១១លាននាក់ចេញពីក្រុងដាច់ខាត
ថ្មីៗនេះ មេរោគកូរ៉ូណាវីរុសផ្លូវដង្ហើម ដែលស្រដៀងនឹងមេរោគសារ បាននឹងកំពុងតែផ្ទុះឡើងកើតចេញពីកណ្ដាលក្រុង Wuhan ថែមទាំងកំពុងតែរីកសាយភាយពេញប្រទេសចិន និងក្រៅប្រទេសចិនផងដែរ។
មកទល់ពេលនេះមេរោគដ៏សាហាវនេះបាន សម្លាប់មនុស្សអស់ចំនួន៩នាក់ និងបានឆ្លងរាលដាលដល់មនុស្សរាប់រយនាក់នៅក្នុងប្រទេសចិន និងនៅក្រៅប្រទេសចិន ដោយការផ្ទុះមេរោគនេះ បានកើតចេញពីកណ្ដាលក្រុង Wuhan ឆ្លងរាលដាល ដល់ទីក្រុងប៉េកាំង ទីក្រុងសៀងហៃ និងខេត្ត Guangdong ក៏ដូចជាបានឆ្លងរាលដាលដល់ប្រទេសជប៉ុន កូរ៉េខាងត្បូង ថៃ កោះតៃវ៉ាន់ និងសហរដ្ឋអាមេរិក។
ការផ្ទុះមេរោគថ្មីនេះ ត្រូវបានគេដឹងថាបានកើតចេញផ្សារលក់សាច់សត្វព្រៃខុសច្បាប់នៅក្នុងក្រុង Wuhan ដែលមានដាក់លក់សាច់សត្វផ្សេងទៀត ដូចជាសាច់កណ្តុរ សត្វប្រចៀវ និងសាច់សត្វព្រៃជាដើម ដោយសត្វព្រៃទាំងអស់នេះហើយជាភ្នាក់ងារចម្លងវីរុសថ្មីនេះពីសត្វមកមនុស្ស។
ទោះជាយ៉ាងណាមកដល់ពេលនេះខាងជំនាញសុខាភិបាលប្រទេសចិន បាននឹងកំពុងតែសិក្សាស្រាវជ្រាវ ពីហាងសាច់សត្វទាំងនោះ ដោយហាងខ្លះក៏កំពុងតែប្រឈមមុខនឹងការបិទចោលម្តងមួយៗ ដើម្បីបង្ការការឆ្លងរីករាលដាលបន្ថែមទៀតផងដែរ។ ជាពិសេសនោះ បណ្ដាសារព័ត៌មានរដ្ឋចិននិយាយថា ប្រជាជនក្រុង Wuban ទាំង១១លាននាក់ នឹងពុំអាចចាកចេញពីទីនោះ ដោយគ្មានហេតុផលពិសេសនោះឡើយ ដើម្បីបង្ការការឆ្លងរាលដាលទៅកន្លែងដទៃ៕
Recent News
