ដូចដែលយើងបានដឹងរួចមកហើយថា ស្នេហាពិតជាមិនប្រកាន់វណ្ណៈ ទ្រព្យសម្បត្តិ មានក្រ ពណ៌សម្បុរ ជាតិសាសន៍ ឬភេទនោះឡើយ តែមានចិត្តស្រលាញ់គ្នាហើយពិតជាអាចឈ្នះឧបសគ្គគ្រប់យ៉ាងបាន។
ជាក់ស្តែងស្នេហាខុសធម្មជាតិ រវាងភេទដូចគ្នាក៏កំពុងតែមានសន្ទុះខ្លាំង ក្រោមការរិះគន់ផង និងការគាំទ្រផង ព្រោះសម័យនេះមានការទទួលស្គាល់ច្រើន ជាពិសេសគឺស្នេហាស្រីនិងស្រី ប្រុសនិងប្រុសតែម្តង។
តែថ្មីៗនេះគូស្នេហាមួយគូនៅក្នុងប្រទេសថៃបានធ្វើឱ្យគ្រប់គ្នាភ្ញាក់ផ្អើលខ្លាំង ដោយសារតែពួកគេម្នាក់ ស្រីតែងខ្លួនជាប្រុសដែលគេហៅថា Tom និងម្នាក់ទៀតជាមនុស្សប្រុសតែមានចរិតជាស្រី តែពួកគេបែរជាមានចិត្តស្រលាញ់គ្នាយ៉ាងខ្លាំង រហូតសម្រេចចិត្តកាន់ដៃគ្នាចូលរោងការក្រោមការអបអរសាទរពីម្តាយឪពុក ញាតិមិត្ត និងមិត្តភក្តិទាំងសងខាងពោរពេញដោយស្នាមញញឹមសុភមង្គល ដោយគូស្នេហ៍ទាំង២នេះត្រូវបានគេដឹងថាមានឈ្មោះ Nirut និង khun piyathida ។
បើទោះបីនេះជារឿងមួយដ៏ចម្លែកមួយដែលស្ទើរតែមិនគួរឱ្យជឿក៏ដោយ តែក៏មានអ្នកលេងបណ្តាញសង្គមជាច្រើនបានសម្តែងក្តីត្រេកអរសាទរចំពោះគូស្នេហ៍ថ្មីនេះ និងជូនពរឱ្យពួកគេមានសុភមង្គលតទៅដែរ៕
Photo: เฟิร์น ฟินนนน