ហាងកេរ្តិ៍ឈ្មោះល្អ ហើយស្មោះត្រង់ រើសលុយភ្ញៀវបានរាប់រយ សុខចិត្តប្រកាសស្វែងរកម្ចាស់ ទទួលបានការកោតសរសើរខ្លាំង
ថ្មីៗនេះហាងកាហ្វេអាម៉ាហ្សូន បានទទួលការសរសើរជាខ្លាំង ព្រោះតែហាងមានភាពស្មោះត្រង់ចំពោះភ្ញៀវខ្លាំង ដោយបានរើសលុយភ្ញៀវដែលជ្រុះបាត់ សុខចិត្តប្រកាសស្វែងរកម្ចាស់ ដែលជាទង្វើពេញដោយការកោតសរសើរ។
តាមរយៈគណនីហ្វេសប៊ុកផេកជាផ្កូវការរបស់ Café Amazon Cambodia បានរៀបរាប់ថា៖ « 📣❗️Cafe Amazon សាខា អាម៉ាហ្សូនមុន្នីរ៉េតអ៊ីនធើខន សូមជំរាបជូនដំណឹងដល់អតិថិជនជាទីគោរព
នៅថ្ងៃទី 23 ខែ មករា ឆ្នាំ 2020 វេលាម៉ោង 17:09 នាទី បុគ្គលិករបស់យេីងខ្ញុំរេីសបានលុយចំនួន$500នៅជិតនឹងកន្លែងគិតលុយ។ បន្ទាប់ពីបានស្វែងរកម្ចាស់លុយដែលបានជ្រុះបាត់លុយនេះមិនឃេីញ យេីងក៏បានឆែកមេីលកាមេរ៉ាសុវត្តិភាព។
ម្ចាស់លុយខាងលេីនេះជាស្រ្តី អាយុចន្លោះ៣០ឆ្នាំទៅ៣៥ឆ្នាំ។ ម្ចាស់លុយដែលបានជ្រុះលុយនេះ អាចមកទទួលយកលុយចំនួន$500នេះវិញនៅសាខាដែលបានរៀបរាបខាងលេីនេះ។
សូមអរគុណ ចំពោះការគាំទ្រ និង ការផ្តល់ទំនុកចិត្តដ៏ល្អរបស់អ្នក! ពួកយេីងរីករាយស្វាគមន៍ចំពោះលោកអ្នកជានិច្ច »។
នេះពិតជាទង្វើពេញដោយទំនួលខុសត្រូវ និងមានភាពស្មោះត្រង់ពិតមែន ដែលរាល់បណ្តាហាងនានាគួរតែយកតម្រាប់តាម ៕
ព័ត៌មានថ្មីៗ
