សុវត្ថិភាពជាចម្បង វីរុសថ្មីក៏ខ្លាច ហើយក៏ខ្លាចអត់ប្តីដែរ ! Pre-Wedding ពាក់ម៉ាស់បែបនេះមានអីមិនល្អ?
ពេលនេះវីរុសថ្មី Corona បានកំពុងតែធ្វើឱ្យគ្រប់គ្នាខ្លាចរអារខ្លាំង ហើយសូម្បីតែស្រុកខ្មែរយើងក៏បានរកឃើញអ្នកកើតវីរុសមួយករណីដែរ ដែលធ្វើឱ្យប្រជាជនខ្មែរមានការព្រួយបារម្ភខ្លាំង នាំគ្នាទិញម៉ាស់បាក់គ្រប់គ្នា និងស្វែងរកទឹកលាងដៃដើម្បីសម្លាប់មេរោគផងដែរ។
តែទោះជាមានករណីវីរុសនេះកើតឡើងយ៉ាងណាក៏ដោយ ក៏មិនអាចរារាំងថ្ងៃពិសេសពោលជាថ្ងៃរៀបការដ៏មានសុភមង្គលរបស់គូស្នេហ៍ជាច្រើនគូដែរ ដោយអ្នកខ្លះបានកំណត់ថ្ងៃរៀបការរួចទៅហើយមិនអាចរំសាយចោលបានឡើយ ដោយពេលនេះថែមទាំងមានគូស្នេហ៍មួយគូដែលជិតដល់ថ្ងៃរៀបការបានថតរូប Pre-Wedding ពាក់ម៉ាស់ទៀតផង។
តាមរយៈគណនីហ្វេសប៊ុក TK Chan បានរៀបរាប់ថា៖ « Pre wedding Day 🥰សុវត្តិភាពជាចំម្បង Corona ក៏ខ្លាចប្តីក៏ចងបាន 🤣យកខាងក្រុមខ្ញុំថត free ម៉ាស់បាទ 😎🤣TK Chan Photography 📸📸»។
នេះពិតជាការថត Pre-Wedding គួរឱ្យសរសើរពិតមែន ទោះថ្ងៃល្អយ៉ាងណាក៏ដោយ ក៏មិនភ្លេចការពារខ្លួនដែរ៕
ព័ត៌មានថ្មីៗ
