ហួសចិត្ត! ខឹងចិត្តរឿងកំម៉ុងទឹក៣០កែវ តែពេលខលទៅមិនលើក មានតែដើរចែកគេយកបុណ្យតែម្តងទៅ!
ថ្មីៗនេះម្ចាស់ហាងតែទឹកដោះគោមួយកន្លែងនៅក្នុងប្រទេសថៃ បានបង្ហោះសារហួសចិត្តជាខ្លាំងក្រោយអតិថិជនមួយរូបបានខលកំម៉ុងភេសជ្ជៈរបស់លោកចំនួន ៣០កំប៉ុង តែដល់ពេលខលបែរជាមិនលើកទៅវិញ។
តាមរយៈការបង្ហោះសារបានបញ្ជាក់ថា ក្រោយខលកំម៉ុងត្រឹមតែ ៣០នាទី លោកបានរៀបចំភេសជ្ជៈរួចរាល់តាមការកំម៉ុងរបស់អតិថិជន តែពេលលោកខលទៅលេខនោះវិញតែបែរជាមិនមានអ្នកណាលើកទៅវិញ ធ្វើឱ្យលោកមានការហួសចិត្ត និងខឹងសម្បារជាខ្លាំង។
ដូច្នេះចុងក្រោយ លោកក៏បានយកភេសជ្ជៈទាំង៣០កែវនេះ ដើរចែកគេចែកឯងទៅវិញ ព្រោះទុកចោលនាំតែរលាយខូចស្តាយដដែល។
ក្រោយពីបានបង្ហោះសារមួយនេះមានអ្នកខមមិនខឹងសម្បារចំពោះអ្នកកំម៉ុងនោះជាខ្លាំង ហើយក៏មានអ្នកផ្តល់យោបល់ថាគួរតែបង្ហោះរូប ឬលេខទូរស័ព្ទអ្នកកំម៉ុងនោះដើម្បីធ្វើជាការព្រមានផងដែរ តែម្ចាស់ហាងថាមិនចង់មានរឿងទេចាត់ទុកថារឿងកន្លងហួសទៅចុះ។
នេះពិតជាទឹកចិត្តប្រពៃរបស់ម្ចាស់ហាងមែន!
Recent News
