ដំណឹងល្អ! ចិនបានប្រកាសថាថ្នាំប្រឆាំងជំងឺគ្រុនចាញ់ អាចព្យាបាលអ្នកផ្ទុកវីរុស COVID-19 យ៉ាងមានប្រសិទ្ធភាព និងកំពុងប្រកាសឱ្យប្រើប្រាស់ទូទាំងមន្ទីរពេទ្យ
អាចជារឿងមួយដ៏គួរឱ្យរីករាយ និងភ្ញាក់ផ្អើលខ្លាំង សម្រាប់យប់ថ្ងៃទី ១៧ ខែកុម្ភៈ ឆ្នាំ ២០២០ នេះ ដោយប្រទេសចិនបានធ្វើតេស្តថ្នាំប្រឆាំងជំងឺគ្រុនចាញ់ ទៅលើអ្នកឆ្លងវីរុស COVID-19 ប្រកបដោយប្រសិទ្ធភាព និងកំពុងដាក់ឲ្យប្រើនៅទូទាំងមន្ទីរពេទ្យ និងគ្លីនិកហើយ។
យោងតាមសារព័ត៌មាន Xinhuanet បានឱ្យដឹងថា ក្រុមអ្នកជំនាញចិនបានធ្វើការប្រើប្រាស់ថ្នាំ Chloroquine Phosphate ដែលជាប្រភេទថ្នាំប្រឆាំងជំងឺគ្រុនចាញ់ (antimalarial drug) ក្នុងការព្យាបាលអ្នកឆ្លងវីរុស COVID-19 នេះ ហើយការធ្វើតេស្តសាកល្បងកន្លងមកបានឱ្យដឹងថា វាពិតជាមានប្រសិទ្ធភាព និងប្រកបដោយភាពជោគជ័យប្រាកដមែន។
ហេតុដូច្នេះហើយ ពេលនេះ ក្រុមជំនាញ និងគ្រូពេទ្យចិនបានឯកភាពជារួម ក្នុងការបញ្ចូលថ្នាំប្រភេទខាងលើនេះនេះ ទៅក្នុងបញ្ជីនៃថ្នាំសម្រាប់ប្រើប្រាស់នៅតាមមន្ទីរពេទ្យ និងគ្លីនិកនានាហើយ ហើយឱ្យបានឆាប់បំផុតដើម្បីព្យាបាលអ្នកឆ្លងវីរុស COVID-19 មួយនេះ៕
ប្រភពព័ត៌មាន៖ Xinhuanet
ព័ត៌មានថ្មីៗ
