អ្នកណាថាព្រលានយន្តហោះខ្មែរគ្មានការពិនិត្យសុខភាព? តោះមកមើលចំណុចតំបន់ត្រួតពិនិត្យសុខភាពអ្នកដំណើរក្នុងអាកាសយានដ្ឋានអន្តរជាតិភ្នំពេញ
ជាការពិតណាស់វីរុសថ្មី Covid-19 បានធ្វើឱ្យពិភពលោកមានការភ័យខ្លាច និងរអារជាខ្លាំង ព្រោះតែវីរុសនេះជាវីរុសដែលមានការឆ្លងរាលដាលពីមនុស្សម្នាក់ទៅមនុស្សម្នាក់យ៉ាងងាយ ដោយក្នុងបច្ចុប្បន្ននេះ មានប្រទេសជាច្រើនបាននឹងកំពុងតែមានអ្នកផ្ទុកវីរុសនេះជាច្រើនគួរឱ្យបារម្ភ។
សម្រាប់ប្រទេសកម្ពុជាយើង ទោះមិនទាន់មានករណីថ្មីរកឃើញថាមានអ្នកផ្ទុកវីរុសនេះក្រៅពីជនជាតិចិនដែលជាសះស្បើយហើយ១ករណីយ៉ាងណាក៏ដោយ តែដោយសារតែវាជាវីរុសដែលងាយនឹងឆ្លង បានធ្វើឱ្យប្រជាជនយើងមានការបារម្ភខ្លាំង ដោយក្នុងនោះកាលពីប៉ុន្មានថ្ងៃមុនមានបំផុសព័ត៌មានថា ក្នុងព្រលានយន្តហោះអន្តរជាតិភ្នំពេញគ្មានការត្រួតពិនិត្យសុខភាពទៀតនោះ បានធ្វើឱ្យមហាជនហាក់មានការភ្ញាក់ផ្អើល និងបារម្ភទ្វេរដងពីវីរុសនេះ ។
តែក្រោយមកក៏មានមន្ត្រីពាក់ព័ន្ធជាច្រើន រួមទាំង នាយកដ្ឋានប្រយុទ្ធនឹងជំងឺឆ្លង CDC បានចេញមកបកស្រាយផងដែរ ដោយក្នុងនោះក៏មានគណនីហ្វេសប៊ុកមួយបានបង្ហាញពីតំបន់ត្រួតពិនិត្យក្នុងព្រលានយន្តហោះខ្មែរផងដែរ ដើម្បីកុំឱ្យមហាជនមានការយល់ច្រលំបន្ថែមទៀត។
តាមរយៈគណនីហ្វេសប៊ុក Sophat Thong បានបង្ហោះរូបភាព អមនឹងសារថា៖ « ខ្ញុំសូមបញ្ជាក់ថា នៅអាកាសយានដ្ឋានអន្តរជាតិភ្នំពេញ ក៏មានវាស់កម្ដៅអ្នកដំណេីរមកដល់ដូចបណ្ដាប្រទេសដ៏ទៃដែរ។
# ការ Share របស់លោកអ្នក គឺធ្វេីអោយមនុស្សទូទៅមានទំនុកចិត្ត មកលេីប្រទេសកម្ពុជាយេីង... ! សូមអរគុណទុកជាមុន »។
ដូច្នេះសូមទស្សនារូបភាពនៃចំណុចនៃការពិនិត្យនៅអាកាសយានដ្ឋានអន្តរជាតិភ្នំពេញខាងក្រោមនេះ ៖
Recent News
