ជារឿយៗក្រុមការងារថតរូបមួយកន្លែងមានឈ្មោះថា Mirror Studio & photography រមែងតែងតែបង្កើត Concept រូបថតថ្មីៗ និងឈុតកែច្នៃពិសេសៗក្នុងទម្រង់បុរាណ រួមទាំងខ្សែភាពយន្តខ្មែរជាច្រើនក្នុងន័ួអភិរក្សសុទ្ធតែរំលេចភាពស្រស់ស្អាតគួរឱ្យសរសើរខ្លាំង។
ម្តងនេះក្រុមការងារ Studio មួយនេះបានបញ្ចេញ Concept ថ្មីមួយទៀតហើយ ដែលដកស្រង់ចេញពីឈុតមួយក្នុងរឿង រិទ្ធីសែននាងកង្រី វគ្គកង្រីយំសោកបោកខ្លួនរត់តាមស្វាមីរហូតដេកដួលលើដី ពិតជាកាន់តែគួរឱ្យចាប់អារម្មណ៍ខ្លាំងទាំងសំលៀកបំពាក់ តុបតែងផ្ទៃមុខ ប្លង់នៅក្នុងការថត ជាពិសេសគឺការលេងទឹកមុខរបស់តារាម៉ូឌែលតែម្តង។
គួរឱ្យដឹងផងដែរថាឈុតដ៏ស្រស់ស្អាតនេះគឺបានកែច្នៃដោយអ្នកច្នៃម៉ូតដ៏ល្បី Skor Krob
និងតុបតែងមុខដោយ RaDee RaDee ជាពិសេសតារាម៉ូឌែលស្រីដែលពេញដោយសមត្ថភាព គ្រងឈុតនាងកង្រីដ៏ស័ក្តិសមនេះផងដែរ ត្រូវបានគេស្គាល់ថាជា តារាស្រីដ៏មានប្រជាប្រិយភាព អ្នកនាងចរិយា ពេជ្រ ដែលក្រោយពីបានរៀបការសាងគ្រួសារជាមួយនឹងស្វាមីជាទីស្រលាញ់ រហូតបានចំណងដៃកូនម្នាក់មុខមាត់យ៉ាងគួរឲ្យក្នាញ់មកអ្នកនាងក៏បានបាត់មុខស្ងាត់មួយរយៈធំ។
សូមទស្សនារូបភាព និងវីដេអូខាងក្រោមនេះ ៖