មួយរយៈមុននេះវីដេអូខ្លី របស់អ្នកលេង Tik Tok ម្នាក់បានធ្វើឱ្យកក្រើកពេញហ្នឹង ដោយសារតែសម្តីអួតអាងហួសហេតុថាខ្លួនគឺជាកូនលោកផ្កាយ ៣ និងមានបំណងយកកាំភ្លើងបាញ់អ្នកបានជេរប្រមាថខ្លួន។
វីដេអូអ្នកលេងបណ្តាញសង្គមម្នាក់នេះ ដែលត្រូវបានគេស្គាល់ថាមានឈ្មោះ សុខា (Sokha) ត្រូវបានគេចែករំលែកជាច្រើនដោយអ្នកខ្លះមានការចែករំលែកជាការកម្សាន្ត អ្នកខ្លះក៏បានជេរ និងស្តីបន្ទោសទៅវិញនូវពាក្យសម្តីមិនសមគួររបស់ខ្លួន។
រហូតមកដល់ថ្ងៃទី ១០ ខែមេសា ឆ្នាំ ២០២០ នេះ សុខា ក៏ត្រូវបានអធិការដ្ឋាននគរបាលក្រុងសួង ដែលមានលោក ឈន សុធន អធិការ បានហៅមកសាកសួរ និងធ្វើកិច្ចសន្យាអប់រំ នូវកំហុសឆ្គងរបស់ខ្លួន ថែមទាំងសារភាពថាខ្លួនមិនមែនជាកូនផ្កាយ៣ និងមានកាំភ្លើងឡើយ។
ក្រោយពីបានសារភាពទោសកំហុស សុខា ក៏បានរៀបរាប់ថា ខ្លួននឹងបង្កើតគណនី (Account) ថ្មី សម្រាប់លេង ដោយមានជាការអប់រំជំនួសវិញ។
ដើម្បីជ្រាបច្បាស់សូមទស្សនាវីដេអូខាងក្រោមនេះ ៖